Semi final UEFA Champions Ligue: Real Madrid Favoritu manan Atletico Madrid

Dili, Haksesuk Bola (HB). Jogu semi final UEFA Champions Ligue entre Real Madrid hasoru Atletico Madrid, sei joga Quarta dadersan (03/05/2017) tuku 03:45 dader, favoritismu ba Real Madrid, haktuir José Maria Soares membru Konseilu Juridiku Sport,Dili e Benfica (SDB) ba Haksesuk Bola, iha Bidau Licidere, Terça-feira ne´e (02/05/2017).

Tenik tan José Maria Soares, ´´ Real Madrid iha vantajen tanba joga iha uma no ekipa ninia performens diak iha kampane liga Champions nudar detentor ba TaçaUEFA  champions edisaun tinan 2015/16´´. Tenik tan José Maria Soares, ´´ Cristiano Ronaldo realiza jogu diak no fó resultadu positiva ba ekipa Real Madrid quandu jogu iha quartu final hasoru Bayer Munich´´.

Semi final Liga Champions jogu derby Madrid entre ekipa rua ne´ebe vizinu no jogu fali final champions iha edisaun UEFA champions tinan 2015/16 ne´ebe manan Real Madrid. Se mak sei passa ba final:Real ka Atletico husi Madrid? Akompana Haksesuk Bola akompana jogu UEFA champions Ligue edisaun tinan 2016/17!

Foto: Facebook jotha So