Semi final Liga Champions UEFA:Monaco vs Juventus

Monaco, Haksesuk Bola (HB). Semi final Liga Champions UEFA, sei joga Quinta-feira dadersan (04/05/2017) tuku 03:45 hora Timor-Leste, entre AS Monaco vs Juventus, joga iha Estadio Luis II.

As Monaco halo kampane  diak iha edisaun Liga Champions tinan 2016/17, tuir treinador Leonardo Jardim liu husi konferensia imprensa haktuir katak, ´´ prepara ekipa ba jogu hasoru Juventus, tanba Juve ekipa ida dificil atu marka golu´´.

Tuir avançado Monaco nian Falcão haktuir katak, ´´Juventus ekipa ne´ebe ekilibrada no dificil ultrapassa.Maibe seitor defesa Monaco nian mos diak´´,dehan Jogador Internacional Colombia nian ne´e, hakerek Jornal Record.

Juventus ninia kampane iha edisaun Liga Champions edisaun tinan 2016/17 mos elimina Barcelona iha quartu final, hatudu katak Juventus fila fali ona iha futebol Europa nian. Buffon ho ninia colegas sira sei defende diak koletivu no deside resultadu iha jogu leg2 ka jogu daruak deside iha Juventus nia uman. Hein se mak sei ba final iha Cardick hasoru ekipa ida husi kapital Espanha, Madrid!

Fonte:record.pt!