Segunda Divisaun grupu B: Atletico Ultra Mar rekopera lideransa hafoin halakon YAMCA FC

Dili, Haksesuk Bola (HB). Atletico Ultramar lidera hikas grupu B hafoin halakon YAMCA FC iha jogu Quinta-feira (04/05/2017) tuku 4 loraik ne´e iha estadiu Municipa de Dili.

Jogu ne´ebe halo iha Estadio Municipal Dili ne´e, iha primeira parte 45´, resultadu 0-0. Tama ba segunda parte mak foin marka golu husi ekipa Atletico Ultra Mar ne´e husi jogador Fabio Cristiano hatama  golu iha minutu 67´.

Ho resultadu ne´e, Atletico Ultra Mar husi Municipiu Manatuto ne´e, lidera hikas grupu ho B ho soma 13 pontus iha jogu 5, manan 4 no empate 1 no segundu lugar hela Assalam FC ho pontus 12, jogu 5, manan 4 no lakon 1.

Jogu segunda divisaun grupu B sei kontinua jogu iha sexta-feira ne´e (05/05/2017) tuku 4 iha estadio Municipal de Dili, entre Kablaki FC vs Nargarso FC!

Fonte:LFA Média 2017!