Renato Sanches ho Portugal manan Euro2016 hanoin momoria ba Eusebio da Silva iha Mundial tinan 1966

Haksesuk Bola.  Tuir analista sira hotu-hotu, koloka 50 % final, Alemanha vs Portugal no 50%, França vs Portugal. Maibe labele subestima mos País de Gales, nia afasta equipa favoritu hanesan Belgica iha quartu final, no lidera grupu B iha fase grupus.

Husi adeptus Bola sira iha Portugal no iha rai sira koalia lian Português, tau espetativa  ne´ebe ás ba Selesaun Portugal nian neébe bele manan jogu semifinal no hakat ba final iha EURO2016.

Tuir observador Bola Timor-Leste, Justino de Jesus ba Haksesuk Bola  katak,”iha posibilidade bo’ot ba Portugal halo tan historia iha mundu futebol, hafoin tinan 50 kotuk, Eusebio halo historia iha mundial 1966 iha Inglaterra”.  Iha biban ne´eba mak Portugal ninia naran boót iha mundu Futebol no Eusebio da Silva Fereira sai nudar embaixador ba Futebol Portugal nian ba mundu.

Historia murak ida ne´e bele mosu hikas fali,hafoin tinan lima nulu (1966-2016) nia laran. Portugal bele halo história iha Euro2016, bele halo Portugal ninia naran morin dala ida tan iha futebol mundial.

Portugal manan Euro2016 hanoin hikas ba Eusebio da Silva Fereira iha tinan 1966 iha Kampeonatu Mundial iha Inglatera. Hein katak Renato Sanches joven jogadores ne´ebe mak oras ne´e konsidere nudar “melhor jogador iha kopa EURO2016” turi treinador Carlo Ancelotti, bele lori hikas naran morin Portugal nian iha mundu Futebol!

Foto Renato Sanches: Gettyimages/AFP/MIGUEL RIOPA