Primeira Divisaun LFA: SLB konkista hikas lideransa

Dili, Haksesuk Bola (HB). Primeira Divisaun Liga Futebol Amadora (LFA), jornada ba dala 11, SLB jogu ho FC Aitana, Sexta-feira (01/07/2016) tuku 04:30 hora Timor-Leste iha Estadiu Municipal Dili, Timor-Leste.

Jogu ne´ebe mak parte rua hadau malu manan pontus, SLB hakarak hakat ba liderança Primeira Divisaun LFA, parte ida. Parte seluk, FC Aitana luta makas oinsa mak sai husi lina mean.

Resultadu  final  jogu  LFA Primeira divisaun entre  SLB VS AITANA FC (3-3). Golu  SLB hatama  husi  Denislson , minutu 3, João Pedro 21´, 90+4´,  golu husi AITANA FC hatama husi  Edit Savio , minutus 17´,57´ no Elias Ximenes, 28´.

Ho resultadu ne´e, SLB soma pontus 18 pasa ba akompana Carsae FC iha Lideransa Primeira Divisaun LFA edisaun 2015/16. Hela jornadas 3 ba termina kampeanatu, luta ba kampiaun Primeira Divisaun LFA konkorentes makas husi equipas sira iha primeira Divisaun. Aitana FC ho resultadu ne´e,soma 9 iha jogus 11, kandidatu ba tun ba segunda divisaun LFA!