João Pedro halo despedida ba adeptos bola iha Baucau

DILI-Jogadór timoroan, João Pedro, ohin marka loron importante iha Munisípiu baucau kona ba ninia serimonia despedida antes ba estáziu iha Portugal. Tuir informasaun informal ne’ebé Timor Post asesu hosi estadiu Municipal Dili, kinta 29/06, nota katak atual jogador klubu A.D.S.LSLB laulara ne’e sei halao ninia jogu ikus ba ninia klubu atual iha Munisipiu Baucau.

Tuir ajenda neebe diariu ne’e asesu katak Jogador ne’e sei joga iha minute 10 nia laran det hodi simboliza ninia jogu ikus iha Liga Futebol Amadora, iha ninia knua Baucau.

Atual mellor markador golu LFA époka 2017 ne’e sei aranka ba kontinua ninia estudu estaziariu ba Futebol Portugal iha tempu besik. João Pedro rasik nudar jogador Timoroan dahuluk ne’ebé nudar fini hosi Liga futebol Amadora Timor-Leste (LFA) no époka kotuk lori SLB sai kampiaun Liga ba dahuluk iha, iha segunda edisaun liga ne’e ho aujensia João pedro nian afeita no lori ekipa SLB iha situasaun defisil oituan iha linha oin.

Tuir informasaun ne´ebe mak Haksesuk Bola hatun iha ninia edisaun online (24/06/2017), “ Jogador João Pedro husi Associação Desportiva (AD) Sport, Laulara & Benfica (SLB)  ne´ebe asina ona kontratu ho Sporting Clube de Braga (SCB) ho titul «estagio»  la joga ona ho AD SLB no prepara ona ba Sporting Clube de Braga ´´.

Haktuir João Pedro ba Haksesuk Bola (HB), ´´ dia 17 de Julho tenki apresenta ona iha SCB, tamba la joga ona ho AD SLB no la representa ona Clube ne´e iha segunda volta primeira divisaun Liga Futebol Amadora (LFA)´´.

 

Wainhira husu konaba fisika no  ritmu jogu, hatan João Pedro,“ fisika diak no kontinua mantém ritmu´´.  Hatutan João Pedro, “ maske la joga ona ho AD SLB maibe sempre treina nafatin ho ekipa AD SLB, nune mantém ritmu no fisika wainhira ba treina no joga iha SCB´´. (TR)