EURO2016 equipas 4 hadau malu tiket 2 ba final iha loron 10 fulan Julho

França, Haksesuk Bola (HB). Iha equipas 4, Portugal, País de Gales (Wales), Alemanha no França, iha jogu semifinal: Portugal ho País de Gales hadau tiket ida, França ho Alemanha hadau malu tiket ida.

Tuir merkadu aposta online iha posibilidade bo’ot ba Alemanha ka França sai vencedor ba edisaun EURO2016.  Maibe posibilidade bo’ot mos ba Portugal ka País de Gales, sira rua mos labele substima. Portugal iha jogu dala lima ona, seidauk manan jogus iha tempo regular (90 minutus) no mos seidauk lakon jogu, maibe sempre empates no marka iha prolongamentu no penaltis. Performance jogu Portugal nian hetan kritikas makas husi media desportivas sira klasifika jogu Portugal nian, ”jogu feio ka jogu ladiak”.

Tuir previsaun merkadu financeiru nian husi 4 ekipas tama, ekipas França ho Alemanha mak domina, tuir Portugal no ikus liu mak país de Gales ka Wales.

 

Tabela:

França hetan posibilidade manan ho 23%, hetan benefisiu tanba joga iha uma, tuir kedan ekipa kampeaun mundial Alemanha ho 19, 9% no iha posisaun tuir mak kampeaun Europeu Espanha ho 13,6 %, tuir modelu Ekonometriku Elabora husi Goldman Sachs.  Portugal  nudar kintu favoritu ho valor 8% iha posibilidade manan kompetisaun EURO2016, iha Portugal nia oin mak Inglaterra ho 10,5 %. Ba País de Gales ka wales, tuir previsaun ekonomtriku Goldman Sachs, probabilidade ba manan ho deit 0,1%.

Probabilidade ba final sei altera,tanba ekipas rua iha topo mak hasoru malu iha semifinal (Alemanha-França), ekipas rua ne´e,ida tenki afasta iha semifinal. Hare husi previsaun Goldman Sachs nian, Portugal (8 %) lori vantagen liu País de Gales (0,1%).

Ses husi aposta merkadu financeira no previsaun ekonometru hus Goldman Sachs, mai ita hotu akompana jogus semifinais,tuir ida-idak ninia gostu ba ekipas no paixaun ba selesaun.

Mai ita akompana nafatin jogu rua (2) tuir mai, hodi hatene, equipas rua ne’ebe  hadau malu ticket rua  ba jogu final EURO2016 iha Parke dos principe, Paris, França, 10.07.2016!

Nota: 

Previsaun Ekonometriku husi Goldman Sachs Investment research ne´e molok hahu abertura ba kampeonatu EURO2016!