Buffon hakarak manan Taça Liga Champions UEFA

Turin, Haksesuk Bola (HB). Juventus prepara ba joga ho As Monaco ba jogu daruak semi final Liga Champions UEFA, ne´ebe iha jogu dahuluk, Juventus manan As Monaco 0-2 iha estadiu Luis II, Monaco.

Ekipa ne´ebe konese ho naran «Veccha signore » kleur ona mak la manan kompetisaun nivel Clube UEFA nian, hafoin lakon iha edisaun Liga Champions UEFA iha tinan 2015 hasoru Barcelona.

´´« Prontu atu halao jogu ba dala 150 iha kompetisaun Europa nian ba jogador Gianluigi Buffon, ne´ebe ho idade 39 ne´e, ninia hakarak manan Liga Champions UEFA, taça ne´ebe mak nunka manan iha ninia kareira nudar jogador»´´, hakerek Jornal A Bola, edisaun Online Segunda-feira (08/05/2017).

Juventus favoritu ba hasoru As Monaco iha jogu daruak semi final ne´ebe sei joga iha Turin, loron Quarta-feira dader (10/05/2017) tuku 03:45, tuir site Uefa.com.

Se Juventus manan, sei hakat ba final iha Cardiff, País de Gales, loron 3 fulan Juni tinan 2017, hasoru Real Madrid ka Atletico Madrid!

Fonte: abola.pt & uefa.com