U18 Timor-Leste partisipa kompetisaun AFF

Dili.Ekipa U18 Timor-Leste desloka ba Myanmar ba partisipa iha kompetisaun futebol  neébe organiza husi AFF  neébe sei joga hasoru Thailandia iha loron 4 fulan Setembru tinan 2017, iha  Thuwunna Stadium tuku 3 loraik.

Tuir treinador ekipa U18 João de Araujo ba Haksesuk Bola haktuir katak, “ preparasaun diak  anivel teknika no tatika, maibe ita sei falta mak fisika mak ita nia preparasaun ladun maximu´´.

Treinador ekipa U18 Timor-Leste, João Araujo (Foto Haksesuk Bola)

Hatutan Treinador João de Araujo,“ fisikamente ita ninia prepasaun ladun maximu tanba jogador sira hela iha uma no nutrisaun ladun  naton ba atletas sira neébe partisipa iha alta kompetisaun´´.

“ Timor-Leste pratika futebol neébe ho teknika hanesan mos futebol husi rai Samba Brazil, hatudu katak Timor-Leste iha ninia kultura futebol rasik, futebol neébe mak intrudus husi futebol latino Portugal nian´´, dehan treinador ekipa U18 João de Araujo.

                                         Filomeno Fernandes, Vice Prezidente FFTL (Foto Haksesuk Bola) 

Iha fatin hanesan, Vice Prezidente FFTL Filomeno Fernandes ba Haksesuk Bola haktuir katak, “ partisipasaun Timor-Leste iha kompetisaun nebe organiza husi AFF neébe hanesan obrigatoriu ba membru sira, se mak la tuir hetan sansaun, neduni FFTL sempre partisipa iha kompetisaun neébe mak organiza husi AFF´´. Hatutan Filomeno Fernandes, Vice Prezidente FFTL neé, “ Se ita la tuir kompetisaun AFF, nudar membru iha dizisaun ruma liu husi kongresu ita ba nudar observadur no la iha direitu ba votu´´.

              Treinador, Vice Prezidente FFTL no Maneger ekipa U18 Timor-Leste (Foto Haksesuk Bola) 

Kompetisaun U18 AFF, sei hahu loron 4-17 fulan setembru tinan 2017, Timor-Leste tama iha grupu  A, hamutuk ho selesaun U18 husi rai hanesan: Thailandia, Malaysia, Laos, Camboja, Singapore no Timor-Leste. (Haksesuk  Bola)