TL Sosa Direitu ba Transmisaun jogu EURO 2016

Haksesuk Bola- Estadu Timor Leste liu husi Governu sosa direitu eskluzivu ba transmisaun direita jogu mundial Copa EURO 2016, husi direitu ASEAN Broadcasting, ho osan U$ 80 mill.

“Ita (Timor Leste-read) sosa direitu eskluzivu ne’e husi direitu ASEAN Broadcasting ho montante osan hamutuk oitenta mil dolar Amerikanu (U$ 80 mil-read),”esplika Sekretáriu Estadu Komunikasaun Sosiál (SEKOMS), Nélio Isaac Sarmento ba Jornalista, foin lalais ne’e iha Palacio do Governu.

nelio_isaac_sarmento

Nélio Isaac Sarmento

Sekretáriu Estadu Komunikasaun Sosiál (SEKOMS)

Realizasaun ba transmisaun direita Copa EURO 2016, liu husi kanal Radio Televizaun Timor Leste (RTTL), tanba hetan kooperasaun hamutuk entre linha Ministerial hanesan, Ministeriu Finansas, Ministeriu Turizmu, Sekretariu Estadu Juventude no Desportu, no Sekretáriu Estadu Komunikasaun Sosiál.

Transmisaun direita ne’e hala’o iha mekanizmu rua ba iha povu sira iha Munisipiu maka hanesan, ba Munisipiu ne’ebe mak la hetan ou la asesu ba sinal RTTL, Governu sei oferese receiver. Iha Dili rasik bele asesu liu husi antena, tanba iha parabola sei la fosai. (HB)