TL Halo Historia Iha Vietnam

20160617_tl_team

Husi karuk treinador Calisto da Costa, ofisiais Odete Belo, Atletas Felisberto de Jesus (16), Nelia Martins (17) no Domingos A. Guterres (19)

Haksesuk Bola- Desportu lori Timor Leste halo historia iha Nasaun Vietnam, foin lalais ne’e. Liu husi atleta nain tolu Felisberto de Jesus (16), Nelia Martins (17) no Domingos A. Guterres (19).

 Atleta Timoroan nain 3 husi Federasaun Timor Leste de Atletismu (FTA) ne’e, iha foin lalais, desloka ba Nasaun Vietnam hodi partisipa kompetisaun Asian Junior Championsip durante loron tolu, komesa 3-6 fulan Juñu tinan ne’e, konsege  hetan prestasaun ne’ebe diak.

Atleta Domingos A. Guterres ne’ebé ho idade (19) sei kompete iha kategoria 800-3000 metrus, Nelia Martins (17) kompete iha 3000 metrus obstakulus, hanesan ho Felisberto de Jesus (16) sei kompete iha 3000 metrus obstakulus.

Eventu ne’e, hanesan sasukat ida husi Nasaun sira iha Sout Asean ne’e, tanba ne’e husi atleta Timor oan nain tolu ba partisipa iha eventu ne’e, iha atleta Nelia Martins hetan premiu rekor foun, tanba nia korrida  iha 3000 metrus obstakulus ho deit tempu 4:58 second, kompara ho tinan kotuk (2015-red) nia hetan rekor ho durasaun tempu 5:02 second, tanba ne’e mak Nelia hetan hadia ho rekor foun ba tinan 2016 ne’e.

Atleta nain 3 akompanha husi treinador nasional nain 2, Calisto da Costa no mós Odete Belo, hamutuk ho sira desloka Vietnam hodi partisipa iha eventu ne’e. (HB)