Manan Medalla ho Triste

Ciclista, Jacinto da Costa

Ciclista, Jacinto da Costa

Haksesuk Bola- Triste la hetan apoiu, maibe ho espiritu nasionalismu iha fuan no isin, Ciclista Jacinto da Costa lori medalla perunggu mai Timor Leste (TL).

 Ciclista Timor oan Jacinto da Costa (33), maske la hetan apoiu finanseiru husi Federasaun Ciclismo  de Timor Leste (FCTL), hodi ba tuir kompetisaun internasional Bali Mountain Bike iha  estranjeiru (Bali/Indonesia), maibe konsege okupa iha segundu lugar hodi lori medalla  perunggu ida mai Timor Leste.

Medulla hetan hafoin halao kompetisaun ho Ciclista sira husi Malaysia, Singapore, Thailand, Indonesia, Africa do Súl, Brunei Darusalam iha loron 29/5/2016.

Ciclista Jacinto konsege remata ho tempu horas tolu liu minutu tolu nulu, Oras Indonesia nian ho kurida bisikleta ho ninia distansia 80 kilometru. Ba Jornalista, Ciclista Jacinto hateten, kompetisaun Internasional ne’e rasik Alteta Ciclismu Timor oan ba tuir, maibe la hetan apoiu  finansial husi Federasaun Ciclismu núdar mahon ba atleta sira, no kompetisaun ne’e rasik hala’o durante loron ida komesa iha 29/05/2016 ne’e,  no atleta Timor oan hamutuk sira nain rua Domingas Fatima Guterres.

“Maske núne’e, ami rasik mos la lakon semangat (korazen), ami deside ba tuir kompetisaun ne’e ho ami nia osan rasik total U$ 1.500.00 ne’ebé tuir planu atu ba nain lima ami hamenus tiha hela nain rua maka ba, no ho ami nia prezensa iha eventu Internasional ne’e, laos hodi naran individual, maibe reprezenta naran Nasaun Timor Leste nian,”koalia Ciclista ne’e. (HB)