Nilton Gusmão Presidente Liga Futebol Amadora (LFA)

Nilton Gusmão
Presidente Liga Futebol Amadora (LFA)

 

Esperansa ba Liga Futebol Amadora

Futebol nudar desporto ne´ebe emar iha mundu rai klaran gosta pratika no dada emar barak mak laran monu ba Bola. Realidade ida ne´e la ses husi ita nia Emar iha Timor-Leste,hotu-hotu gosta no hadomi bola. Laos deit gosta no hadomi bola, maibe Timor-Leste mos iha ona ninia kultura tatika rasik,ne´ebe iha tempo Portugues nia ukun,iha tinan 450 nia laran,kuda ona kultura tatika Futebol Latina ne´ebe konesidu joga iha rai sira Latin,hanesan Portugal, Espanha, liliu futebol ne´ebe desenvolve iha Amerika latina, Samba iha Brazil, Futebol Argentina, no rai seluk tan. Iha biban Portugues nia ukun mos, estabelece ona kompetisaun Futebol Amador, mosu Clubes sira hanesan: Sport Dili e Benfica, Sporting de Dili, Academica, União,CAFE (Ermera), Atletico (Aileu). Maske ho kondisaun ne´ebe minimu, hola parte Associação desportiva sira,serve hanesan meius ida ba halibur Timor oan sira iha biban ne´eba. Iha parte desportivo, husi kompetisaun amadores ne´ebe iha,produsu jogadores balun ba joga iha Liga Portuguesa, hanesan Pinsu ho Pele, neébe ba joga iha Belenses, Academica Viseu,no sleuk tan.

Iha tempo okupasaun mos, hamosu kompetisaun lubung organiza liu husi Liga Futebol iha Dili, iha biban ne´eba mosu Clubes lubung ida hanesan: Orient Star (Bidau), Rusa Fuik (bairo Pite), Indonesia Muda (IM), Grecenfor (grilos, Central no Formoso), Carsae, kakusan (Becora), no seluk tahn. Iha kompetisaun oi-oin ne´ebe mak Timor oan sira kria hanesan Porda (Pekan Olah Raga Daerah), kompitisaun eskolares, partisipasaun iha nivel provincia nian hanesan PON (Pekan Olah Raga Nacional). Produs mos atletas lubung ida ba joga iha Liga Indonesia nian,hanesan: Melu Izaac ba Pupuk Kaltim, Miro Valdo iha Persija,Luis,Bosco no seluk tan.

Atu kaer metin ba kultura tatika,manan tan teknika no hetan talentus husi klosan sira ba Futebol. Governo liu husi Secretaria Estado Juvetunde no Desporto (SEJD), kria kondisaun atu nune´e bele hahu dadaun Liga Futebol, atu nune´e Timor oan sira bele organiza malu iha Clubes hafoin hola parte iha LFA, sorin ida. Sorin seluk, liu husi kompetisaun mak bele desenvolve futebol no produs talentus diak iha futebol ne´e rasik.

Liga futebol Timor Leste mosu ho nia objetivu atu hamoris desportu futebol iha rai laran. Liga Amadora loke ona espasu boot ba Clube ( 21 ) atu hamorin Timor Leste nia naran iha mundu internasional.

Tuir mensajen husi Presidente Liga Futebol Amadora (LFA) Nilton Gusmão katak,liu husi Liga futebol Amadora, iha futuru oin mai bele promove ona talentu joventude Timor Leste sira ne’ebé gosta futebol iha rai laran.

“Esperansa ba Liga Futebol Amadora ida ne’e mak bele produs jogador foun sira ne’ebé iha talent, para depois bele reforsa ita nia selesaun nasional iha Timor-Leste,”mensajen Nilton Gusmão.

 

Naran/logo klube hamutuk 21

Naran Clube nian Logo
DIT  tl_dit
CABLAKI  tl_CABLAKI
BENFICA DILI  tl_SDB
ZEBRA tl_zebra
YMCA  tl_ymca
UNIÃO  tl_uniao
ATLETICO ULTRAMAR  tl_ultramar
SPORTING  tl_sporting
BENFICA SLB  tl_slb_laulara
SANTA CRUZ  tl_santa_cruz
PORTO TAIBESSI  tl_porto_taibesse
PONTE LESTE  tl_ponta_leste
NAGARJO  tl_NAGARJO
LICA-LICA  tl_licalica
KARKETU  tl_karketu
CARSAE  tl_carsae
CAFÉ  tl_cafe
ACADEMICA  academica
CACUSAN  tl_cacusan
ASSALAM  tl_assalam
AITANA  tl_aitana