Taça 12 Novembro: Asalam hetan ticket ba final,hafoin halakon kampian LFA 1º Divisaun SLB

Dili, Haksesuk Bola (HB). Iha jogo Taça sempre mosu surpresa, hanesan Taça 12 de Novembro edisaun tinan 2016 nian, ekipa segunda Divisaun Assalam FC hetan ticket 1 ba final Taça 12 de Novembro, hafoin halakon Sporting, Laulara & Benfica (SLB) ne´ebe nudar vencedor ba edisaun dahuluk Primeira divisaun Liga Futebol Amadora (LFA) 2015/2016.

Klubu segunda Divisaun Assalam FC, ho fiar an hakat ba final turneu Taça 12 de Novembro de 2016, hafoin manang (3-1) kontra ekipa Kampiaun Primeira Divisaun Liga Futebol Amadora epoka 2015-2016, SLB, iha jogu nebe maka halao iha Stadium Municipal Dili, Sabadu, (3/9/2016).
Assalam FC hatama golus 3-1, golus Assalam Fc nia hatama  husi jogadores, Cristian Pena, iha minutu 12, Masrudin 22, Agostu 79. Uniku golu husi klubu SLB hatama husi jogador, Gumario Moreira, iha minutu 87. 

Ho resultadu Assalam ekipa dahuluk hetan ticket ba final ne´ebe sei realia iha loron 10 fulan Setembro tinan 2016, iha estadiu Municipal Dili,tuku 04:30 loraik. Hein finalista seluk, sei hetan entre DIT FC hasoru As Ponta Leste.

Final Taça 12 de Novembro edisaun 2016, entre ekipa segunda divisaun Assalam hasoru primeira Divisaun As Ponta Leste ka Segunda Divisaun Dit FC. Hein jogu aban Domingo (04/09/2016) entre Dit FC vs As Ponta Leste,tuku 04:30 iha Estadiu Municipal Dili!

Foto: LFA!