SLB pronto ba joga Super Taça LFA 2016

Dili, Haksesuk Bola (HB). Super Taça Liga Futebol Amadora (LFA) edisaun dahuluk tinan 2016, sei joga iha Maliana, iha loron 12 Fulan Novembro tinan 2016, tuir informasaun ne´ebe mak Haksesuk Bola hetan husi LFA.

14520609_952668538188251_6950512691007150196_n

Super Taça LFA 2016, sei joga entre manan nain ka kampiaun ba 1º Divisaun LFA 2015/16 Sporting, Laulara & Benfica (SLB) no manan nain ba Taça 12 de Novembro edisaun tinan 2016 mak As. Ponta Leste.

Tuir Sekretariu Jeral SLB Domingos Caeiro ba Haksesuk Bola,Segunda-feira (31/10/2016),  haktuir katak, ´´ SLB  prontu ba joga Super Taça LFA 2016´´. Haktuir tan Domingos Caiero, ´´ SLB nudar manan nain ba LFA 1º divisaun  edisaun dahuluk 2015/16, mos iha ambisaun atu manan mos Super Taça LFA edisaun dahuluk tinan 2016´´.

Jogo Superta Taça LFA nudar kompetisaun oficial ne´ebe hatur iha Estatuto LFA nian, hakerek iha artigu 7º (kompetisaun nia naran) numeru 1), cita.:()´´  1).Kompetisaun nudar atividades oficial, ida nebe´e partisipa iha kompetisaun sira organiza husi Liga Futebol Amador, maka: 1º Liga, 2º Liga, Taça 12 de Novembro no super Tasa, no provas sira seluk organiza husi Liga ka husi FFTL´´ .

Final Super Taça LFA edisaun 2016, joga iha kampu Maliana, hafoin inagura Estadio ne´ebe konstroe husi Governo RDTL liu husi SEJD!

HAKSESUK BOLA