SLB ho CARSAE lidera LFA primeira divisaun

Dili, Haksesuk Bola (HB).Kompetisaun Liga Futebol Amadora (LFA) primeira Divisaun kompetitivu duni, iha semana  1 nia laran,troka lideransa husi Academica (jornada ba dala 9) ba CARSAE,taka jornada 10, lidera husi SLB no CARSAE FC.

CARSAE FC lidera loron tolu (23,24 no 25 Junho 2016) hafoin halakon FC Porto Taibesi,iha jornada 10 manan Academica (3-0). Taka jornada ba dala 10 jogo husi SLB vs AS Ponta Leste  ho resultadu (5-1) favor ba SLB, ho resultadu ne´e, SLB soma pontus 17 hamutuk ho CARSAE FC. Golus husi ekipa SLB, hatama husi, Nidio Alves iha minutu 8´,65´, Zeremias Batista 40´,72´, e golu ida husi Denilson Araujo 57´.Uniku golu husi As Ponta Leste hatama husi  avançado Silverio Garcia iha minutu 81´.

Iha posisaun lina mean okupa husi equipa FC Taibesi hafoin jogu ho Karketu Dili (1-1),ho resultadu ne´e FC Porto Taibesi  soma deit 12 pontus no akompana ho Aitana FC ne´ebe kontinua ho 8 pontus.

Hela jornadas 6 ba termina LFA Primeira Divisaun, kompetisaun ba lidera LFA primeira divisaun mos kompetitivu no luta ba manutensaun mos kompete husi equipas hira!