Sebastião Gomes nia mate halo tinan 25 loke dalan ba Masacre Santa Cruz tinan 1991

Dili, Haksesuk Bola (HB). Sebastião Gomes nudar jovens ida, ninia moris klosan nian dedika ba luta ba Libertasaun Nacional. Iha loron 28 fulan Outubro tinan 1991,Militares Indonésia sira halo preseguisaun ba jovens sira ne´ebe subar iha Igreja Motael no tiru mate joven Ativista Loriku Assuwaun, Sebastião Gomes.

Liu semana rua, iha loron 12 fulan Novembru tinan 1991, misa aifunan midar tuir tradisaun Timor nian, misa iha igreja Motael, iha biban ne´eba presensa Jornalista husi rai liur mos barak, tanba atu akompana visita Delegação Parlamentar Portugal (DPP) nian, hafoin deside kancela, tan deit Indonésia la aceita Portugal inklui iha lista Jornalista Jill Joliffe, husi Australia, ne´ebe hakerek livru konaba Timor nia funu, hanesan : ´´Timor terra Sangrenta ´´, publika artigus barak konaba Timor iha jornais, revistas,iha Portugal, Australia, England no rai seluk tan .

Resistência Timorense liu husi CNRM/FALENTIL prepara ba simu visita DPP nudar oportunidade ba halo descolonisasaun ba territorio Timor nudar Administrasaun Portuguesa nian. Husi parte Indonesia, aproveita oportunidade atu lejitima integrasaun iha Indonesia. Ho kancela visita husi parte Portugal nian, Resistência mos aproveita selebra loron Saudoso Sebastião Gomes nia mate,tama ba semana rua, organiza manifestasaun husi igreja Motael ba cimiteriu Santa Cruz Dili, iha loron 12.11.1991.

Iha biban ne´eba mak Militares Indonesia  nian,tiru hasoru manifestante sira iha cimiteriu santa Cruz, ne´ebe konesidu ho naran, ´´ Massacre de Santa Cruz, 12.11.1991´´.

Lian,terus no halerik povu Timor-Leste nian to´o ba mundu rai klaran, TV,jornais, radios,iha mundu tomak fo konaba Massacre Santa Cruz de 1991.

Sebastião Gomes nia mate halo tinan 25,  liga mos ba luta Juventude Loriku Assuwain nian ba ninia Libertasaun nacional no dalan nakloke ba Ukun rasik an ne´ebe Povu tomak mak deside iha loron 30 fulan Agusto tinan 1999!

HAKSESUK BOLA!