Rehabilitasaun Estadio Municipal Dili la iha progresso

 

Dili, Haksesuk Bola (HB). Kalendariu jogu Liga Futebol Amadora (LFA) liliu 1º Divisaun atrasu tanba depende ba rehabilitasaun estadio Municipal Dili. Tuir publikasaun Haksesuk Bola, edisaun Quarta-feira (30/11/2016) katak, ´´Seidauk realiza joga LFA divide opiniaun: LFA dehan rehabilitasaun estadio Municipal,observador bola dehan falta kordenasaun(HB,30/11/2016)´´, (1).

Hare mos Haksesuk Bola online:  http://haksesukbola.com/seidauk-realiza-joga-lfa-divede-opiniaun-lfa-dehan-rehabilitasaun-estadio-municipalobservador-bola-dehan-falta-kordenasaun/?lang=tl#sthash.l61urZZp.6cksqgXr.dpuf ´.

Tuir Presidente Executivo LFA Nilton Gusmão dos Santos katak, ´´ rehabilitasaun estadio Municipal Dili, mak halo atrasu realiza jogu LFA edisaun 2016/17 nian´´. Hatutan Nilton Gusmão Santos, ´´ exijencia barak jogu LFA tenki halo no barak mak kestiona,maibe ita nia limitasaun mak estadio ida deit ba joga ba ekipas sira iha 1º  divisaun´´, defende Presidente Empressa ETO Group, hakerek Timor Post, edisaun Quarta-feira (30/11/2016) iha pajina desporto (12), (2).

Hatan ba situasaun ne´ebe mak LFA hasoru no atrasu organiza futebol, observador Bola Ivo Pinto ba Haksesuk Bola katak, ´´ falta de kordenasaun entre LFA ho SEJD, oinsa mak bele estabelece kalendariu jogus´´´. Tenik tan Ivo Pinto, ´´ jogo LFA tuir lolos hotu iha fulan Junho, falta kordenasaun entre organismos sira regula Futebol, iha paragen kampionato dala barak, tanba deit partisipasaun torneio Amadora hanesan ASEAN University game 2016, ne´ebe ladun importante jogo oficial ne´ebe tuir kalendariu FIFA,AFC no AFF nian. Kompetisaun ba estudantes universitarios, laos tanba deit Clubes rua Academica ho DIT fornece jogadores barak, kampionato tenki paradu, kompetisaun tenki lao nafatin´´. Hatutan Ivo Pinto, ex-Presidente ATC (Academica Timorense de Coimbra) ne´e,´´ jogo Universitario seleciona jogadores husi Universidades sira hotu,laos husi DIT ho UNTL deit, atu nune labele prejudika kompetisaun no atrasu kalendariu´´.

`´ Se LFA, FFTL ho SEJD kordena didiak,la atrasu iha jogu LFA edisaun 2016/17´´, defende Ivo Pinto.

Tuir João Rodrigues ne´ebe nudar adeptos Bola ba Haksesuk Bola, ´´ iha fulan Dezembro normalmente, departemento formasaun no buka atletas talentos sira apresenta relatorio ba Clube, deside sosa ka lae atletas nebe sira observa, ne´e pratika husi Clubes sira hotu-hotu iha Europa´´.

Tenik tan João Rodirgues, ´´ realidade ita nia kompetisaun paradu, sira atu observa saida, tanba ne´e bisniss, tempo osan, sira labele visita Timor-Leste wainhira la iha kompetisaun Bola rasik´´, defende João Rodrigues.

Tuir LFA katak, ´´ la iha kompetisaun tanba limitasaun ba infraestruturas, liliu kampu limitadu´´.

Hatan ba limitasaun infraestruturas Governo liu husi SEJD loke ona tender ba konstrusaun ba kampu futebol municipal iha Municipius 4 mak: Baucau, Manatuto, Ermera no Maliana. Estadio Municipal Malibaka, Maliana mak pronto ona,halo ona Festival Nacional desportiva (FND) no final Super Taça LFA iha loron 25.11.2016!, (3) .

Hare mos iha site Haksesuk Bola Online: – See more at: http://haksesukbola.com/clubes-europa-sira-hakarak-observa-jogo-lfa-maibe-kompetisaun-paradu/?lang=tl#sthash.VmEPd6O6.dpuf

 

Referensia:

1) Seidauk realiza joga LFA divide opiniaun: LFA dehan rehabilitasaun estadio Municipal,observador bola dehan falta kordenasaun

– See more at: http://haksesukbola.com/seidauk-realiza-joga-lfa-divede-opiniaun-lfa-dehan-rehabilitasaun-estadio-municipalobservador-bola-dehan-falta-kordenasaun/?lang=tl#sthash.l61urZZp.6cksqgXr.dpuf

2) Timor Post, edisaun Quarta-feira (30/11/2016) pajina 12;

3) Clubes Europa sira hakarak observa jogo LFA maibe kompetisaun paradu

– See more at: http://haksesukbola.com/clubes-europa-sira-hakarak-observa-jogo-lfa-maibe-kompetisaun-paradu/?lang=tl#sthash.VmEPd6O6.dpuf