Referendum ba independensia Catalunha afeta ba kampionatu Espanhol

 Tensaun politika iha Espanha sa’e ho eminencia referendum ba independensia Catalunha, i consequentemente, afeta mos futebol, klubu sira nebe joga iha kampeonatu Espanhol, hanesan Barcelona, Espanhol nsst. Tribunal Constitucional da Espanha, foin dadauk, suspende tiha lei nebe aprova antes hosi Parlamentu Catalunha nebe permiti realizasaun referendum ba comunidade Catalunha sira iha proximu 1 Outubro 2017.

Maske nune’e, Guvernu Catalunha informa katak sei la respeita desizaun ne’e, no afirma katak ho vontade popular “povu” sei deklara independensia. Konaba soberania Catalunha, tersa-feira liu-ba (5/9), Comitê Olímpico da Catalunha (COC), aprova ho unanimidade kampanha “Sport for the Yes”, ne’ebe adere tomak ba prosesu independensia. Presidente COC, Gerard Esteva, defende dehan Barca iha sorte, nato’on para bele escolha liga ida nebe mak bele joga. Lei sira bele altera se la adapta ona ho realidade aktual”. Statment sira husi parte ukun-an, de facto, hasa’e tensaun.

Politika ho futebol soke-malu. Prezidente Liga de Fútbol Profesional (LFP), Javier Tebas, nega hasoru kedas possibildade ne’e (deklarasaun COC), i nia deklara kedas katak klubu catalães sei la hetan permisaun atu joga iha kampionatu nasional se rejiaun nordeste Espanha ne’e haketak-an unilateralmente iha referendum fulan Outubru ne’e. “… hau dehan katak Barcelona sei la escolha atu joga iha sa klubu deit se hili ukun rasik-an. Se existi prosesu unilateral, sei la joga iha Liga Espanhola”, afirma Tebas, ne’ebe rejeita moz adiamentu jogu Barcelona vs Las Palmas, nebe kalender tiha ona ba dia 1 Outubru iha Camp Now, paslos ho loron referendum.

Tensaun ne’e nia manas da’et to’o Barcelona nia “musuh bebuyutan” Real Madrid, wainhira treinador ekipa CR7 nian ne’e, Zinedine Zidane, hatudu nia preokupasaun wain ba publiku. Katak nia sente “saudades” ona ho Barcelona nia ausencia iha “La Liga” caso aconteça rejiaun Catalunha proklama independensia husi Espanha. “Hau la imajina liga espanhola sem Barcelona. La imajina. Nudar adepto futebol, hau sempre hare Barcelona joga iha kampeonatu ne’e”, komenta Zidane hafoin hatan tan ba litik jornalista sira hodi dehan katak “hau lakohi tama iha promenor. Iha ema nebe hakarak no ema nebe lakohi independensia Catalunha. Saida mak hau hatene katak hau lakohi liga ida sem Barcelona”. Fonte Notisia: El Pais, Diario ABC, ESPN Desporte – Edisaun Online.