Receitas ba ekipa Timor-Leste ba jogo final ho Thailandia, aprende mos husi Portugal manan Euro 2016

 

 

Singapore, Haksesuk Bola (HB).  Publiku Timor-Leste, liliu ba sira ne´ebe mak hadomi bolu ka adeptus bola sira, tau espetativa ás tebes ba ekipa Universitarius ne´ebe maioria representa husi DIT ho UNTL, barak liu jogadores sira ne´ebe mak joga iha LFA primeira divisaun iha Culbes hanesan DIT FC (DIT) ho Académica (UNTL) no selesaun Nacional Timor-Leste.

Mas kompetisaun ne´e la tama kategoria ne´ebe kontribui ba rangking FIFA ka AFC nian, maibe entusiasmu  tebes ekipa Timor-Leste bele fila lori taxa.

Ita hotu aprende husi tem nacional Portuagal nian ne´ebe mak manan Taxa Euro2016, tanba nia manan laos por manan, maibe manan tanba iha ninia receitas balun, maibe hare husi aspetus rua deit.

Ida (1), intelegencia tatika ne´ebe trasa husi treinador Fernando dos Santos rasik. Halo leitura ba jogu kada adversarius sira ne´ebe atu hasoru. Bele akompana joga Portugal nian, husi oitavu final, hasoru Cróacia,aposta iha meio kampu ne´ebe hodi anula pontes forte Cróacia nian, ne´ebe sempre konstroe jogu husi Luca Modric (10) no hatutan atake husi jogador Ivan Rakitic (7). Metin iha kotuk,quarda rede no defesa, sira tau dupla Pepe ho josé Fonte, forte fisikamente no altura ba kontrola bola husi leten.  Wainhira hatama Renato Sanches, destroe jogu Cróaci no halo moris jogo Portugal nian. Quando hatama Ricardo Quearesma, mosu golu, liu husi jogu kolektivu ne´ebe, mai husi rekoperasaun ba bola husi Renato sanches, pasa ba Nani,loke ba Cristiano Ronaldo xuta ba baliza,guarda rede Cróacia baku sai no Quaresma kabeza golu.

Receitas hanesan, ita hein treinador Manuel husi ekipa Universitarius Timor-Leste sira ne´ebe joga final ohin hasoru Thailandia. Hatene katak, Thailandia ekipa ne´ebe forte iha rai sira iha ASEAN. Hare husi rengking ACF no FIFA  rasik, ninia kompetisaun liga domestika mos kompetitivu, hola parte iha kompetisaun ACF champions, no AFC Cup.

Hare husi jogu, iha fase grupus Timor-Leste defronta ona Thailandia no lakon 3-1. Ho esperiensia iha jogu dahuluk, treinador iha ona apontamentu lubung ida ba pontus fortes no fraku ekipa Thailandia nian. Trasa tatika ne´ebe mak bele anula pontus fortes husi Thailandia nian, buka jogu ne´e intelegencia tatika  no aproveita teknika ne´ebe jogadores sira iha.

Rua (2),  disciplina husi jogadores sira rasik, fiar no rona ba orientasaun tatika treinadores nian.

Iha Euro 2016, jogadores sira husi ekipa Portugal  nian joga koletivu ba ekipa, rona saida mak treinadores Fernando dos Santos fó. Ho disciplina tatika neébe jogadores sira implimenta iha kampu, hetan kritikas makas husi imprensa ka média Frances rasik ne´ebe klasifika modelu joga Portugal nian, ´´ Feio`´  ka joga la bonitu. Enquanto team Nacional Italia mak iha kultura jogo ida defesa metin, aproveita oportunidade marka golu. Iha kompetisaun euro2016, Italia liu treinador António Conte, trasa tatika ne´ebe atake koresponde ba jogadores sira ninia perfil teknika. Enquanto Portugal joga ´´ feio´´ ka ladiak, maibe buka mak manan. Ida konsegue bele hare  jogu ba jogu iha fase grupus to´o final.

Iha jogu final,wainhira foin hahu jogu Cristiano Ronaldo lesionado no dada sai no troka ho Ricardo Quaresma. Dada Renato sanches ba klaran, halo ke jogo Portugal nian moris iha meio kampu. Aguenta primeira parte 45´ ( 0-0 ).

Iha segunda parte, França buka atu manan duni jogu, uja ninia armas sira hotu, iha segunda parte klaran deit, hatama ona Coman (20) jogador jovens, joga iha Bayer Munich,nia atake makas husi parte karuk no hetan asistensia bola husi defesan centra Samuel Umtiti ne´ebe ajuda atake. França aproveita maxima força Samuel Umtiti ajuda atake no cruzamentu sira husi Coman nian, se kontinua nune´e qualquer momentu França hatama golus tanba iha jogadores rua iha oin hanesan Griezmann (7) ho Giroud (9),qualqueer momentu bele hatama golu.

Treinador Fernando dos Santos, halo leitura katak perigu França nian, mosu husi asistensia bola husi defesa Samuel Umtiti ne´ebe ajuda atake no cruzamente husi Coman ba grande area Portugal nian. Oinsa mak Fernando dos Santos anula ponte forte França nian ne´e?

Iha minutus 79´ hasai Renato sanches no hatama Éder (9), altera kompletamente jogu França nian, tanba  obriga defesa  Samuel Umtiti mai hein Éder iha defesa, labele husik Éder livre kontribui perigu ba França rasik. Obriga mos Coman tun mai rekopera no buka bola.

Ikus mai iha minutus 109´prolongamentu, sai duni husi xuta bola Éder mak fó kampiuan Europeiu ba Team nacional Portugal dahuluk iha historia Bola Portugal nian.

Disciplina tatika mos,treinador Manuel precisa aplika ba jogadores team Universitariu Timor-Leste ne´ebe mak sei joga hasoru Thailandia ohin. Jogadores sira disciplina rona orientasaun treinador no Treinador mos halo leitura koreta ba pontus fortes adversariu no explora pontus fraku.

Ho Intelegencia tatika no leitura ba jogu husi treiandor, teknikas futebol ne´ebe Timor-Leste iha ho ninia kultura teknika rasik, ho disciplina no motivasaun jogadores sira nian. Team Universitariu Timor-Leste, bele fornese alegria ba adeptus futebol Timor-Leste nian hadoin halo festa ba kampiaun Europa husi team nacional Portugal.

Husi:  António Ramos Naikoli

Co-fundador no editor  Haksesuk Bola