Real Madrid Bicampião Liga Champions UEFA

 

Cardiff. Jogu final Liga Champions UEFA ne´ebe halao iha Millenium Estadium, Cardiff, Wales, Domingo dader (04/06/2017) tuku 03:45 hora Timor-Leste, Real Madrid halakon Juventus ho skor 1-4. Golu sira husi Real Madrid nian golu 2 husi Cristiano Ronaldo iha minutu 20´ho minutu 64´, golu seluk husi casimiro iha minutu 61´no golu ikus husi Asencio iha minutu 90´. Golu husi Juventus hatama husi jogador Mandzukic iha minutu 27´, golu ne´ebe espetakular konsidere nudar jogu diak liu iha provo ne´e.

Jogu hahu iha 45´minutus primeira parte, Juventus tama ho atake, Mandzukic () atake ba karuk, Higuian (9) iha oin no Dybala () atake husi parte liman los nian. Husi estremu  hetan apoio husi atakes husi jogador Dani Alves (husi limana los) no Alesandro (husi liman karuk).  Juventus iha minutu sanulu resin ameasa barak liu ba rede Real Madrid nian ne´ebe hein husi Navas do ke atake Real Madrid nian. Tradus iha numeru, molok golo Cristiano Ronaldo iha minutu 20´, bola xuta ho target ba baliza  6-1, Juventus xuta bola 6 hasoru xuta ida husi Real Madrid ne´e resultadu golu.

Golu Real Madrid konstroe husi jogador toka bola nain 6, husi Marselo ba Kross,ba Isco ba Modric ba Ronaldo hafoin loke ba Carvajall fó hikas ba Cristiano Ronaldo xuta ba golu, iha minutu 20´.  Juventus responde liu husi golu espetakuler liu husi tebe bola becixlete liu husi Mandzukic iha minutu 27´. Iha primeira parte 45´, resultadu 1-1.

Iha segunda parte 45´, Real Madrid tama dominante atake konduz liu husi médio Modric ho kross, ho Isco joga livre, obriga Juventus tun ba defende, iha minutu 61´, hafoin hetan bola ida sai husi defesa Juventus nian, Casamiro xuta ba hatama golu 1-2 ba Real Madrid, liu deit minutu 3 nia laran, jogada ida kombinadu husi Isco ho Luca Modric no kruza ba Ronaldo hatama golu 1-3 ba Real Madrid no segundu golu ba nia konta pesoal.

Iha minutu 84´, Cuadradu halo falta hasoru sergio Ramos no hetan segundu amerelu (vermelho/mean), Real Madrid pasa kontrola total ba Bola no iha minutu 90´,Asensio hatama golu 1-4 ba Real Madrid.

Ho vitória iha final Liga Champions ne´e, Real Madrid Bicapião Liga Champions UEFA tinan 2015/16 no 2016/17, iha tinan 4 nia laran manan liga chamspions dala 3 (2013/14, 20115/16 no 2016/17)!

Akompana mos Jornal Haksesuk Bola numeru 4, edisaun 08-15 de Junho de 2017!

          Fonte:beingsport1,uefa.com & abola.pt!