PSG LOKE ODAMATAN BA MOURINHO

 

Imprensa inglesa fo sai ona iha segunda-feira, katak José Mourinho nia representante hasoru malu ho representante sira hosi Paris Saint-Germain.

Tuir The Sun, Mourinho nia representante simu proposta hosi PSG, maibe sira fo hanoin katak tekniku português hakarak hela nafatin iha Manchester United hodi manan naran no tasa sira.

Nune’e mos, klube francês ne’e husik hela odamatan nakloke ba Mourinho karik iha loron ruma ka tempu badak nia hanoin atu muda.

Tamba Diretor desportivu  hosi PSG, Antero Henrique,hatene diak tekniku hosi Manchester United, wainhira sira rua hala’o servisu hamutuk iha FC Porto.