Primeira Parte (I), TL Lidera 1-0 ba Malaysia

DILI, HAKSESUK BOLA, 2015-2016 Singapura–Ekipa Timor Leste oras ne’e dadauk lidera provijoriu 1-0 ba Malaysia, iha jogu Semi Finais ASEAN University Game ba dala 18, iha kampu Nanyang Technological University Singapore, Sesta (15/7/2016).

Jogu ne’ebe halao iha tuku 4:30 lorokraik Oras Timor Leste nian ne’e, golu Timor Leste marka husi jogador Henrique (11).

Iha jogu ne’e, Timor Leste sai dominante iha meiu kampu, nunne’e la fo oportunidade ba ekipa Malaysia hodi halo ameasa ba quarda rede Timor Leste nian.

Ne’eduni to’o jogu ne’e termina iha minute 45 nia laran, ekipa Timor Leste sei lidera 1-0 ba Malaysia.

Timor Leste hakat ba Semi Finais hafoin halakon ekipa Laos ho skoru 5-2, ho rezultadu ne’e lori Timor Leste ba segundu lugar iha grupu A ne’ebe lidera husi Thailandia ho pontus ne’ebe hanesan (6). Entertantu Malaysia hakat ba fase Semi Finais hanesan primeiru klasifikadu iha grupu B.

(HAKSESUK BOLA)