Preparasaun ba Sea games: Jogu treinu entre ekipa U22 Timor-Leste ho jogador All Star LFA

U22 TL 1- Ekipa estranjeiru sira 2

Dili. Jogu treinu entre ekipa U22 Timor-Leste (TL) ne´ebe atu ba partisipa iha jogu Sea Games ne´ebe sei realiza iha Malaysia, fulan Agustu tinan 2017, ohin Terça-feira realiza jogu amigavel ho ekipa estranjeiru All Star LA 2017 nian.

Iha Selesaun Nasional U22 ne´ebe hetan treinu husi treinador Mr.Kim, hili jogador sira ne´ebe qualidade diak no esperiensia iha kompetisaun internasionais. Husi parteekipa Estranjeiru All Star LFA 2017 envolve jogadores estranjeirus hotu ne´ebe mak envolve iha kompetisaun Liga Futebol Amadora (LFA) husi 1º no 2º divisaun.

Jogu treinu ne´e hatudu ekilibradu iha primeira parte entre  ekipa rua, iha minutu 45´nia rohan, resultadu 0-0.

Tama ba 45´segunda husi parte,  treinador Simón no Mr.Kim aposta iha ida-idak nia ekipa oinsa mak bele manan iha jogu refere. Husi parte ekipa Estranjeiru All Star LFA 2017 mak lori vantajen,golu sira hatama husi jogaor Alan Leandor (9) Karketu Dili FC no  Antoine Viega (8) Karketu Dili FC. Husi Parte Ekipa U22 hatama husi jogador Henrique Cruz husi Carsae FC.

Textu: Haksesuk Bola (LFA Media) no Foto: TR (konrtibutor)!