Potensial Kandidatu ba Presidente FFTL 2017-2022

 

Dili. Kandidatu potensial nain tolu (3) mak sai hanesan potensial ba lideransa  organizasun bola iha Timor-Leste nian mak: Francisco Kalbuady Lay (atual Presidente ), Filomeno Fernandes (atual Vice Presidente FFTL) no Nilton Santos Gusmão (atual Presidente Executivo LFA).

Francisco Kalbuay Lay nudar atual Presidente FFTL, hahu estabelese  FFTL, track record Francisco Kalbuady Lay mak konsegue halo kampane internasional  lori FFTL tama iha organizasaun futebol nian hanesan: sai membru FIFA, membru AFC no AFF.

Filomeno Fernandes ne´ebe konesidu bolu ho naran Meno Fernandes wainhira dada lia ho Haksesuk Bola, antigo jogador bola. Ninia atividade moris nudar pratikante tebe bola, treinador no dirijente ba federasaun futebol.

Nilton Gusmão dos Santos, atual Presidente Executivo Liga Futebol Amadora (LFA), empresario nudar atividades lor-loron nian. Sai nudar jestor prinsipal ba Liga Futebol Amadora hodi lansa kampionato futebol amadora, maibe hetan atensaun husi futebol mundial, hanesan kampionatu Futebol sira iha Europa mos hahu fihir ba jogador sira neébe mak atua ka joga iha kompetisaun LFA.

Husi parte Clube sira hamutuk 21 clubes iha primeira, segunda no terceira divisaun hakarak kandidatu perfil futuru Presidente FFTL  neébe sai duni mahon ba futebol no desenvolve futebol iha Timor-Leste.