Portugal manan Mexico no konkista terceiru lugar

Russia.Taça Confederação FIFA 2017 iha Russia, jogu hadau malu ba posisaun terceiru lugar (3º lugar ) entre Portugal ho Mexico, jogu ne´ebe halao iha estadiu Arena Otkrytiye, Russia, Domingo (02/07/2017) tuku 9 kalan (tuku ida loraik hora Portugal). Iha jogu durante minutu 90´ la konsegue hetan ekipa rua ne´e empatadu 1-1. Mexico adianta uluk iha markador iha minutu 55´ liu husi auto-golu husi defesa central Portugal nian Lusi Neto.

Portugal sempre duni tuir desvantajen, hodi troka jogador avansadu no meio kampu, sai Nani tama Querresma ho fó dinamika ba atake Portugal. Atu asegura jogu iha meio kampu ho atake, hasai Pizzi ho Danilo, hatama Andrian Silva no Andre Gomez. Konsegue empate atu tama ona ba 90´+ 1´tempu extra, liu husi kruzamentu Ricardo Querresma no hatama husi Pepe.

Tama ba tempo extra, iha minutu 113 Andrien Silva hatama liu husi marka penalti hafoin jogador Layún kaer bola iha grande area no golu Andrien Silva lori Portugal konkista terceiru lugar Taça Confederação FIFA 2017 iha Russia. (Haksesuk Bola/record.pt).