Portugal Lakon ho Alemanha 0-4 Iha Torneiu Olimpico Rio 2016

DILI, Haksesuk Bola-Ekipa Nasional Portugal obrigado hodi hit sasan fila ba Portugal, hafoin lakon ho skoru 0-4 ho ekipa Alemanha (Jerman-read), iha Torneiu Futebol Olimpico Rio De Janeiru Brasil 2016, iha Domingo (14/08/16) dadersan ne’e.

Ho rezultadu ne’ebe Alemanha hetan, Alemanha sei sei hakat ba faze tuir mai mak Semi Finais nian, sei hasoru manan nain husi husi ekipa Nasional Nigeria vs Dinamarca.

Iha jogu ne’ebe hala’o iha Stadiu Nasional Mane Garricnha, Brasilia ne’e golu hat (4) husi Alemanha ne’e marka husi jogador Serge Gnabry iha primeira parte golu ida, no iha segundu parte aumenta tan golu tolu husi jagador Matthias Ginter, Davie Selke no Philip Max.

Portugal ne’ebe antes ne’e sai favoritu ba torneiu refere, tenki simu rezultadu ida ne’e, hodi husik hela torneiu Olimpinco Tanba, iha jogu ne’e Alemanha mak hetan dominante liu bola ba Portugal no halo presaun makas to’o jogu remata no hetan skoru bo’ot 4-0 ba Alemanha hodi hakat ba Semi Finais.

Iha jogu seluk tuir mai mak, aleinde Nigéria vs Dinamarca, sei iha mos Brasil sei hasoru Colombia, no Coréia do Sul sei kontra Honduras, hodi hadau malu bilhete Semi Finais nian.

HAKSESUK BOLA (HB)

Foto; Spesial