Portugal Hakat Ba Semi Finais

DILI, HAKSESUK BOLA, EURO2016 França-Cristiano Ronaldo CR7 hamutuk ho ninia maluk sira konsege lori ekipa nacional Portugal halo vitoria no hakat ba semi finais EURO 2016, hafoin halakon ekipa nacional Polonia liu husi sutu penalti.

Jogu ne’ebe halao iha França Sesta (1/7/2016) , ekipa nacional rua tun kedas ho ninia jogador diak sira, no iha minutu 2 foin jogu hahu, kapitaun Robert Lewandowski lori ekipa nacional Polonia lidera kedas jogu 1-0 ba Portugal, antes primeira parte remata iha minutu 33, jogador Renato Sanches halo golu ida hodi fo rezultadu 1-1 (Polonia 1- 1 Portugal).

Ekipa rua iha segundu parte lakonsege marka tan golu, hodi nune’e jogu refere hakat ba iha aumenta tan minutu 30, maibe nafatin laiha golu. Nune’e ikus mai hakat ba sutu penalti.

Iha sutu penalti, jogador nain lima husi Portugal hotu-hotu susesu hatama bola ba guarda rede Polonia nian, iha sorin seluk esekutador penalti ba dala hat husi Polonia Jakub Blaszczykowski faila iha penalti no rezultadu ikus, Polonia 3-5 Portugal.

Ekipa Fernando Santos ne’e iha semi finais sei hein jogu entre ekipa nacional rua Wales ho Belgia, ida ne’ebe mak manan sei kontra Portugal iha jogu tuir fali mai.

Rezultadu ida ne’e kontinua aumenta dominante Portugal ba Polonia katak, iha jogu dala sanulu resin ida (11) entre ekipa rua (Polandia vs Portugal), Portugal sei kontinua ukun Polandia ho manan dala lima (5), Polandia manan dala tolu (3) no dala tolu (3) seluk hela ho impata.

Jogadores husi ekipa rua ne’ebe joga iha dadersan ne’e maka:

Polonia: Fabianski; Piszczek, Clik, Pazdan, Jedrzejczyk; Blaszcykowski, Krychowiak, Maczynski (Jodlowiec 98), Grosicki (Kapustka 82); Lewandowski, Milik.

Portugal: Patricio; Cedric, Pepe, Fonte, Eliseu; Adrien Silva (Moutinho 73), Renato, William (Danilo 95), Mario (Quaresma 80), Nani, Ranaldo.

(Haksesuk Bola)

Foto: Reuters