Portugal exame bo´ot dahuluk hasoru Cróacia iha EURO2016

França, Haksesuk Bola (HB). Portugal hasoru exame bo´ot wainhira jogu hasoru Cróacia iha oitavu final EURO2016 ne´ebe sei halao iha Estádio Bollaert- Delelis, Sabado 8 horas kalan Hora França (25/06/2016) no 4 horas dader Domingo dadersan horas Timor-Leste (26/06/2016).

Cróacia laos equipa babain ida,maibe team nasional ne´ebe hatudu performense diak iha kampeanatu EURO2016, neébe lidera grupu D  ne´ebe pertence mos Espanha ne´ebe kampeaun iha titul,inklusivu manan joga ho Espanha.

Iha equipa Cróacia nian, iha jogadores chaves balun ne´ebe mak Equipa Portugal tenki tau matan makas, jogadores hanesan Luca Modric joga iha Real Madrid, Ivan Rakitic joga iha FC Barcelona.

Portugal precisa hatudu li-liu iha kampu, se hakarak iha aspirasuan dok iha kompetisaun Euro2016. Husi jogu tolu dahuluk, Portugal empate ho hetan pontus 3. Cristiano Ronaldo 7 (CR7) ho ninia colegas sira buka hatudu konsistente no disciplina tatika nune bele alkansa vitoria iha jogu ne´e.

Se Portugal manan ho jogu nebe furak, CR7,Nani,Queresma,  jogadores sira seluk buka hatudu sira nia performense diak iha kampu no resultadu manan jogu,mak Portugal sei bele mehi dok iha kompetisaun Euro2016 ne´e rasik.

Adeptus Futebol iha Mundu, hakarak CR7 hatudu ninia jogus sira ne´ebe atrativu no decisivu wainhira jogu iha Clubes sira  hanesan Marcherter United (MU) no Real Madrid FC (RM FC).

CR7 ho ninia hatudu jogus diak no aposta iha jogu kolektivu ne´ebe forte iha kampu no kampaktu, sei lori resultadu diak no adeptus Futebol sira sei halo festa iha mundu,iha rai sira koalia lian Porttugues nian.

Tanba futebol, ultrapassa fronteira geografika no Estadu sira nian, Portugal no CR7 ninia adeptus espaila iha mundu tomak, iha 90 minutus nia laran,sira ne´ebe gosta bola,iha ne´ebe deit sei hakilar…. viva Portugal!

Foto: jornaldenegocios.pt