PN tenki fiskaliza Obra rehabilitasaun Estadio Municipal Dili

Dili. Parlamento Nacional (PN) aprova Orçamento Geral Estado (OGE) ba tinan 2016 hodi rehabilitasaun  ba Estadio Municipal Dili, aprovasaun orçamento baseia ba plano no tempo exekusaun obra. Tuir Plano Orçamento ne´ebe oprova ba ano fiscal tinan 2016, maibe obra seidauk finaliza no atrasu tinan 3.

Tuir Francisco das Neves, observador politika publika no adepto bola ba www.haksesukbola.com, “ Parlamento Nacional ninia knar ida mak fiscaliza obras sira ne´ebe mak  financia husi Orçamento Geral do Estado´´. Hatutan Francisco das Neves, “ PN aprova OGE no fiscaliza obra ne´e halo duni tuir plano no tempo exekusaun ka lae´´.

“ Obra rehabilitasaun lorin tinan 3, hatudu PN mos la kumpri ninia papel fiscalizador´´, defende Francisco das Neves.

Publika kestiona konaba atrasu exekusaun obra rehabilitasaun estadio Municipal de Dili, importante ba realizasaun eventu desportivu nacional no kompetisaun internasional ne´ebe mak Timor-Leste partisipa,liliu torneio AAF Suzuki Cup 2018 ne´ebe mak sei realiza iha fulan Novembru-Dezembru tinan 2018. Timor-Leste tabik iha grupu B,hamutuk ho Thailandia, Indonésia, Filipina no Singapore. Timor-Leste sei realiza jogu rua (2) iha uma, joga ho Thailandia no Filipina. (Haksesukbola.com)!