PM Governu ninia vontade muda LFA ba LPF

Ex-SEJD Dificil hakat ba Liga Profisional

FFTL tenki kumpri 29 kriterius FIFA ho AFC nian

 

Dili, Haksesuk Bola (HB). VI Governo  Constitucional liu Primeiro Ministro (PM ) dr. Rui de Araujo, haktuir katak, ´´sujere muda Liga Futebol Amadora (LFA) ba Liga Profisional Futebol (LPF)´´. Lia menon ne´e ható husi PM Dr. Rui de Araujo, iha biban gala dahuluk LFA nian iha Timor Plaza, foin dadaun ne´e, iha loron Quarta-feira (10/08/2016), hakerek Agência  Nacional de Timor-Leste (ANTIL), edisaun sexta-feira (12/08/2016).

Iha sorin seluk, Ex-SEJD Miguel Manetelu haktuir katak, ´´ dificil hakat ba liga profisional`,hakerek ANTIL (idem). Hatutan Miguel Manetelu, Vice Ministro Solidariedade social,´´ Ne´e todan .Quandu hakat ba liga profisional, FIFA  nia regras tama ona´´, haktuir ne´e, wainhira hatan desfiu ne´ebe mak PM lansa iha gala LFA ba dahuluk iha Timor Plaza, Quarta-feira (10/08/2016).

Foin dadaun ne´e, Sekretariu Jeral FFTL, Amandio de Araujo Sarmento, tuir regras FIFA no AFC nian, ´´ atu tama ba liga profisional no hola parte ba kompetisaun Clubes AFC nian, tenki 29 kriterius no minimu liu mak kriterius 10´´, hakerek Haksesuk Bola (06/08/2016).

Atu profisionalismu Liga Futebol Profisional, minimu kumpri kriterius 10 ka 12, hanesan tuir mai ne´e:

  • Iha office permenante;
  • Manajement ka jestaun Clubes permanente;
  • Clubes tenki iha estrutura ba formasaun iha kategoria jovens husi U sub-14 –sub-21;
  • Estrutura teknikas Clubes nian no treinador principal ho certifikadu A;
  • Programa ba desenvolvimentu financeiras;
  • Iha kampu permanente no kampu treinu. Kampu principal ho kadeiras 25-45 mil kadeiras; kadeira individual.
  • Iha Diretor ba Marketing rasik;
  • Rejistu tuir Lei ne´ebe vigora iha Nasaun ida-idak nian;
  • Iha team Legal advisor;
  • Kada clubes tenki iha jogador ou foreign players minimu 5 ho salario minimu 10 mil USD ba leten kada fulan;

 

  • Kada clubes tenki iha bank garansi minimu 1 too 5 miliaun USD nee depende ba nivel ou kategoria clube sira nomos kompetisaun nivel ida nebe mak sira atu partisipa;
  • Kampu ka stadium ho kapasidade lampu min 1.200 Lux e Maximu 1.500 Lux;

 

 

 

 

 

Referensia:

ANTIL: PM Rui de Araujo sujere LFA ba Liga Profisional

http://antil.tl/pm-rui-sujere-muda-lfa-ba-liga-profisional/

ANTIL: Ex-SEJD MM:dificil hakat ba Liga Profisional

http://antil.tl/defisil-hakat-ba-liga-profisional/

Iha 29 kriterius AFC nian  mak hatodan Clubes sira tuir AFC Cup 

http://haksesukbola.com/iha-29-kriterius-afc-nian-mak-hatodan-clubes-sira-tuir-afc-cup/?lang=tl