PINCHO- O MAESTRO CONQUISTADOR

Husi* Hugo Gonçalves Silveira

Hanesan mos Joca nebe aventura iha Portugal nudar futebolista professional, Pincho ou José da Costa Guilherme hahu nia careira futebol iha Sporting Clube Timor (SCT) maibe iha Belenenses equipa primeira devizaun Portugal mak nia evolui no atinzi pontos culminantes iha nia careira nudar jogador futebol profesional.

Aventura Centro campista Timor oan ne iha solo Europeu hahu Iha epoca (musim) 1972/73) wainhira Belenenses halo nia projeto atu reforsa tan Plantel (Tim) lori kompete iha primeira devizaun Liga Portuguesa, ho projeto ambicioso ida ne´e Belenenses (equipa husi BELEM-Lisboa) decide halo recrutamento ba jogadores sira husi antigo kolonia portugal nian, Iha Projeto ultramar (tasi sorin) ne Belenenses recruta Sambinha ho Ramalho husi Lobito, cidade Benguela iha Angola, Alfredo Murça husi Lourenço Marques-Maçambique, Eliseu e Toninho husi Brasil no reforsu ikus mak Pincho husi Sporting Clube de Timor (SCT) Timor português.

 

Ilustrasaun Jornal Bola Portugal nian iha 19.04.1973

Durante temporada hat (4) Pincho sai destaka iha futebol português ho emblema Belenenses, konyesidu ho nia rapidez e vizaun diak Centro campista Timor oan ne’e sai servidor ba avansados sira husi equipa Cruz de Cristo (julukan ba equipa Belenenses) ho sistema sistema táctico 4-2-4. Belenenses ho nia legiaun estrangeiro husi Brasil, Mozambique, Angola no Timor hahu sira nia primeira tour ba França hasoru Lyon, Pincho sai hanesan titular (jogador Inti) nia hetan fiar husi treinador Gento lori comanda meio campo Belenenses, iha batalha entre equipa rua durante 90 minutos equipa Cruz de Cristo konsege manan Lyon 2-0.

Estreia (Debut) feliz husi Pincho iha Palco Europeu, além Timor oan ne Belenenses hatun mos Mourinho, Alfredo Murça, Fernando Freitas, Calado, Minervino Pietra, Quinito, Alfredo Quaresma, Laurindo, Godinho e Gonzalez. Pincho hetan kontrato nudar professional iha equipa Belenenses ho salario 9300 escudos/mes ou equivale $49. 74 ( iha tempo neba salario jogador seidauk to’o valor fantastis hanesan ohin loron). Belenenses nia jogador ho salario boot iha altura neba mak argentino ida naran Gonzalez nebe manan 43.333 escudos ($231,77) tuir fali Quinito simu 20 mil escudos ($106,97) e nia kolega nebe rekruta hamutuk husi Africa Sambinha simu 7500 escudos ($40,11). Pincho Centro Campista (Medio) ida nebe mak isin moris e veloz(lais) joga mos hanesan avansadu sombra (bayangan) lori marca golo no sobu linha defensiva wainhira Avansadu Gonzales hetan vigilansia makas husi defeza equipa adversario (lawan). Iha nia primeira época 73/74 Pincho marca golo rua husi cinco jogos nebe nia tun hanesan titular, total hotu Pincho joga 54 jogos iha primeira devizaun Liga portugal husi tinan 1973/74 to’o 1976/77.

Durante tinan barak Belenenses nia partipasaun iha Primeira devizaun sira nia klassifikaun diak akontece iha época(musim) 1975/76 nebe sira konsege tama iha terseiru lugar lori hetan vaga ida ba Liga Europa (Taça UEFA). Iha nia permanencia ho Emblema Cruz de Cristo Pincho komesa lakon fatin ho Jogadores seluk no konsege sai deit titular iha 11 jogos e marca golo ida. Meski lakon fatin iha equipa prinsipal Pincho konsege joga dala ida iha Palco Europa hasoru Barcelona iha Taça UEFA. Ho nia aparensia (tampil) iha jogo ida deit iha Taça UEFA mas Pincho sai Unico Timor oan iha istoria futebol Timorense mak konsege sente atmosfer palco Europa wainhira hasoru equipa emblematica hanesan Barcelona, nia prezensa iha jogo Taça EUFA sai marka ida historica tebes ba nia kareira e fo mos orgulho ba nasaun Timor Leste nebe iha decada 70 konsege hare nia oan mane murak ida actua iha kompetisaun prestiziozu iha mundo. Depois de época hat (4) Pincho decide termina nia careira futebolista ho Belenenses iha 1977 lori emigra ho nia família ba Australia!

Hatene diak liu tan hare iha Jornal Haksesuk Bola, numeru 6, edisaun 23-29 de Junho tinan 2017,pajina 2! 

*Kontributor Haksesuk Bola!