Mundial tinan 2018 Final Europa: França favoritu ba hit Taça

Kampionatu mundial tinan 2018  iha fase oitavu final (1/8) FIFA World cup 2018, ekipa favoritu sira elimina ona, hahu kedan Alemanha nudar manan nain (detentor) Taça 2014 fila uluk iha fase grupu, halao jogo 3 rekoila deit pontu 3, manan ida, lakon 2, hatama golu 2,sofre golu 4 no okupa posisaun ikus.

Tuir kedan Argentina, hahu fase grupu tama ho ain karuk hasoru ekipa Iscelandia ho empate 1-1, lakon Croacia 3-0 no manan jogu ikus hasoru Nigeria 2-1 no qualifika ba 1/8 final hasoru França la aguenta eskema tatika ho dinamika atakente França nian ne´ebe kompostu husi Giroud (Arsenal), Crysman (Atletico Madrid) no Mpape (PSG/Monaco). Meio kampu ne´ebe kompaktu no dinamika forma husi Pogba (MU), Kanté (Chelsea) no Matiude (PSG).Taka dalan metin no reforsa ba atake , transisaun bola kotuk ba oin, Pogba iha liberdade cirkula hodi apoio atake.Iha kotuk defesa central Mtuti (Barcelona) ho Verane (Real Madrid), Mtuti asumi papel vigilancio ba nia colega no kapitaun Barcelona nian,Leo Messi no hetan apoio husi Kanté. Defesa lateral rua mos halo atake no ajuda atake, golu empate tebe espetakular husi defesa Pavard (Stuggarda) no golu vantajen husi Mpape, resulta husi kruzamentu husi defesa esquerda Hernandez (Atletico Madrid).

Portugal ho Espanha irmãos nain rua hamutuk grupu B, sira nain favoritu ba fase grupu, hahu empate 3-3, hatudu duni jogu ba kampiaun,se hakat ba oin,bele hasoru iha final deit, maibe destinu hanesan, jogo 3, manan 1,empate 2, soma pontus 5 hotu, Espanha lori vantagen tanba marka golu liu 6-5. Ekipa rua husi penisula Iberica ne´e hela iha 1/8 final, Portugal la konsegue ultrapassa barreira defensiva monta husi Uruguai, policiamento ba CR7 metin no Uruguaia ho ninia agresividade no eficacia atake nebe kompostu husi dupla Cavani (PSG) o Suarez (Barcelona) marka golu 2 no iha deit 90´m + 4 tempo extra, Portugal aruma mala fila ba uma hodi goja ferias Agosto/Setembro,molok fila ba kompetisaun lha ida-idak nia Clube.

Espanha hasoru uma nain Russia ne´ebe joga ba ninia publiku rasik. Teorikamente Espanha favoritu maibe fator uma no tatikamente defensiva ho jogador 10 iha defesa, Espanha ho futebol apoiodo ka pasa badak mos fura  la tama.

Iha jogu mundial tinan 4 dala ida ne´e,teknika no tatika mak hatudu liu husi jogu, ho espetakulu diak dada ema,ladiak publiku kritika, maibe  iha buat kiik balun mos bele konta, realiza kopa iha kontinente America, la fasil ba ekipa Europa manan, foin Alemanha/Jerman mak kebra tradisaun ne´e iha Brazil, huan Brazil iha Quarto final 7-1. Halao kampianatu iha kontinente Europeiu,ekipa husi Amerika Latina la manan,só Brazil deit kebra tradisaun ida ne´e,manan dala1 iha biban Pele nian iha tinan 1958.

Kampionatu husi tinan 1970, 1974, 1978, 1982,1986, 1990, 1994,1998, 2002, 2006, 2010, 2014 no 2018, só Alemanha/jerman mak kebra tiha tradisaun ida ne´e.Adepto bola Brazil sira hanoin bele kebra tradisaun ida ne´e iha Russia tinan 2018. Maibe prestasaun Brazil nian iha mundial nian ne´e ladun konvense, maibe Brazil  sempre Brazil.

França, ekipa kampiaun mundial tinan 1998 no Europeiu 2000,apresenta ekipa nebe kompetitivu tebes iha linha/line hotu-hotu (hanesan deskreve ona iha leten). Konta ho Croasia ne´ebe hakat ona ba ¼ final no hein tan Englaterra ho Belgica. Ekipa Englaterra sira nia jogadores sira joga iha EPL (Englesh Primeire League), liga kompetitivu iha mundu. Belgica sira nia performense iha mundial ne´e lalika hakfodak, quase jogador nukleu duro joga iha EPL hanesan Hazard (Chelsea), Thibaut Courtois (Chelsea), Lukaku (Mu),Fellaini (MU) no seluk tan.

Hau hare husi aspetu teknika no tatika, França ne´ebe treinu husi antigo kampiaun Mundial 1998, Didier Deschamps, bele lori hikas ekipa Manu Aman França kokorek iha Russia 2018.  Nudar treinador, hahu husi 2012, iha copa Mundial Brazil 2014,Euro 2016 no Mundial 2018!