Mourinho ho Guardiola tuba-malu metin, Renato Sanches augenta presaun

Monstru rua, Manchester United (MU) ho Manchester City (MC) belit-malu metin iha topo klasifikasaun Premier League nian. Jogu ba dala ne’en Liga Ingleza, Guardiola ho tranquilidade lori City “silindra” Crystal Palace 5-0 iha uma, enkuantu Mourinho lalin nia jogador sira ba hadau pontu 3 iha Southampton nia “kandang” ho jogu difisil no golu 1-0 apontadu, solitariamente, husi Romelu Menama Lukaku.

Pontus hanesan iha tabela klasifikativa (6-6) maibe MC mak okupa primeiro lugar ho vantajen iha golos marcados (21-17) ho MU.

Renato Sanches, vida difisil iha Swansea maibe augenta

Jovem internasional portugal nian, Renato Sanches foin dadauk ne’e assina contrato ho titulo imprestimo husi Bayern Munique ba Swansea City A.F.C ho valor 8,5 milhões de euros (Fonte ‘Kicker’). Acordo sukat ho nia kualidade nudar jogador “promesa” nebe mak operasional iha meio campo.

Espektativa klubu no antusias husi adeptu Swansea sira animadu ho Renato nia prezensa, no hein surpreza ruma hodi haksolok, liliu ba adeptu sira. Maibe, akontese katak, Renato nia performance iha jogu tolu do’ok liu husi nia kualidade nebe hatudu iha Euro 2016. Primeiro, lakon ho Newcastle (0-1) iha estreia, depois empata ho Tottenham (0-0) no jogu ikus lakon ho Watford (1-2). Lakon pontus iha jogu tolu no lakon mos simpatia husi clube no apoiantes sira.

Estatistika dehan katak “medio-centro nebe joga iha Alemanha no agora empresta tiha ba Inglatera la consegue produtivo iha zona ofensiva nian, remata menos, la acerta, sem drible no la kria kualker situação de perigo.” Pois, consequentemente, ekipa lakon, adeptu sira desiludidu, no sala fo tomak ba Renato.

Vida dura, difisil ba jogador jovem ho tinan nurak (20 anos) mas joga ona iha clube bo’ot no competitivo sira hanesan Bundesliga no Premier League. Claro, presaun hanehan no emasaun implika iha jogu, joga di’ak, ema hakfuik no basa-liman, joga a’at, sira “wooo!”. Critico sira mos aproveita, balun “ataka” no seluk tenta analiza, aponta, liuliu, ba ninia estatuto, nudar jovem, internasional no kampiaun Euro 2016. Tamba ne’e, ema hotu hakarak hare nia joga diak no melhor.

Vida dura iha nia “nova aventura” iha rai Inglatera. Mudansa de “atitude” depende ba nia vontade no kapasidade atu adapta ho realidade foun. Ate, imprensa balun hakerek konaba nia difikudade komunikasaun ho dalen inglez. Hanesan hakerek iha site Sports Illustrated, “…the boy doesn’t speak English, let alone read it”.

Reasaun ba prestasaun ladi’ak iha Renato nia estreia, ho diferente contexto, mai husi publiku oioin. Ho solidaria, defeza Swansea nian, Alfie Mawson defende dehan “Sanches, jogador ho kualidade, nia persija tempo hodi sai jogador “Star Player”. Entretanto, manager Paul Clement mos la husik liu biban ne’e hodi hatudu nia apoio maximu ba nia elementu foun Renato Sanhces, ne’ebe konsidera normal iha situasaun ne’e. Treinador justifika nia valor no fiar katak sei joga di’ak liu-tan. Agora ne’e, nia persija rekupera nia valor, maibe ho tempu. “He has come to a new club and has new team-mates, a new language, new culture”, tenik tekniku Swansea nian.

Fontes: BBC Radio, Sports Illustrated, Site FC Bayern, Site Premier League,  Skysports.

AFAF- London,UK!