Messi Marka Golu, Barcelona Foti Taça Supercopa Spanyol

DILI, Haksesuk Bola-Melhor Jogador Mundu da lima (5), Lionel Messi hahu kontribui ba ninia klube iha tinan 2016/17, ho lori ninia klube istimadu Barcelona sai kampionato ba Taça Supercopa Spanol nian.

Iha Kinta (18/08/2016) dader, Barcelona kompleta segunda volta jogu ba Taça Supercopa Spanha nian iha Barcelona ninia Stadium Camp Nou, Barcelona manan 3-0 ba ekipa Sevilla, ne’ebe antes ne’e iha primeira jogu iha ekipa Sevilla ninia Stadium, Barcelona manan ona 2-0. Ne’eduni ho rezultadu ikus ho ida ne’e, Barcelona marka golu 5 ba Sevilla.

Jogu ne’ebe hala’o iha Stadium Camp Nou ne’e, Barcelona ne’ebe kuñesidu ho tiki taka, halo jogu ne’ebe kapas no hadau dominante iha meiu kampu, nune’e iha minutu 10 nia laran deit, jogador Barcelona Arda Turan marka ona golu ida ba ekipa Sevilla no jogu primeira parte remata, skoru 1-0.

Tama ba segundu parte, ekipa Barcelona nafatin halo presaun makas ba ekipa Sevilla nian, no rezulta tan golu ida ne’ebe nafatin marka husi Jogador Arda Turan. Entertantu golu ikus husi jogu ne’e, mai husi melhor jogador mundu Lionel Messi no termina jogu refere ho Vitoria ba Barcelona, hodi sai kampionato ba taca Supercopa Spanyol tinan ida ne’e.

Taca Supercopa Spanyol mai husi ekipa rua Barcelona ho Sevilla, Barcelona nudar kampionato ba Liga Spanyol no Copa del Rey 2015/16. I Sevilla hanesan runner-up Copa del Rey 2015/16.

HAKSESUK BOLA (HB)

Foto: REUTERS/Albert Gea