Messi haruka “Lia-menon” ba “maun-bo’ot” CR7


Lionel Andrés Messi ho Cristiano Ronaldo dos Santos Aveiro “em branco” iha jogu ba jornada da-ne’en (6) iha LaLiga Santander 2017-2018. Iha kampu Girona, FC Barcelona manan ho golu 3-0, golu oho-an 2 no golu 1 husi striker Luis Suarez. Iha fatin seluk, Alaves simu no lakon ho Real Madrid 1-2. Bola 2 ne’e estreante Dani Ceballos mak hatama ba baliza uma-na’in sira nian.

Iha jogu rua refere, ita bele hare sirua nia istilu, skill jogu no “power” atu hatama golu nafatin. Maibe espirito ekipa, Messi kolabora liu ho nia kolega sira duke Ronaldo, ne’ebe iha situasaun balun CR7 hatudu katak la konsege “ser simpatico” ho “maun-alin” sira seluk, no pior liu mak “irritado em várias ocasiões” hodi chuta bola “arbiru” no la fura baliza Alaves nian.

Estatistika la lohi, CR7 haka’as-an remate ba baliza iha jogu rua ikus (Real Betis ho Alaves) hamutuk dala 18, maibe nihil. Enkuantu Messi, rezultadu golu 9 prova ba nia “consistencia” joga no apoio-malu iha “espírito de equipa”.

Messi hatudu no prova iha jogu ikus nia “consistencia”, katak, nia nudar jogador ida nebe halo parte ba team ida. Tamba nia sempre halo esforsu integra ho nia “team-mates” hodi servi nia clube, nia “alma-mater” Barcelona.

Wainhira portugez Ronaldo buka atu selebra primeiru golu iha La Liga edisaun 2017/2018, hodi afirma nia-an nudar “maior artilheiro”, arjentinu Messi, ho lethal, aponta tiha ona golu sia (9). Será extremamente difícil inverter esta tendência.
De facto, Messi halo diferensa, ho “golos marcados”, fo vitoria no record ba Barcelona iha La Liga no hametin pontu hitu do’ok husi Real Madrid.

Lia-menon forti husi Messi ba “maun-bo’ot” CR7. De qualquer maneira, atu nafatin “halo jeitu bonito iha jogu, maibe keta haluha-an, tamba iha kampu-laran companheiro sira seluk hein hela atu passa mos bola ba sira” e sendo mais um jogador da equipa. Pontu 7 haketak distancia FCB no RM no golu 9-0 obriga CR7 atu kadi didi’ak fali nia suteiras hodi chuta bola halai loos ba rede laran. Sim, antes que seja tarde demais. Se lae, “chao” de’it, bro!

Publico preokupa ho “ausencia de golos” husi o famoso CR7 maibe “madeirense” ne’e la interese ho “companheiro” Messi nia “lia-menon”. Fiar iha nia an, Ronaldo hein katak bele “quebra jejum” de golos iha proxima batalha Champions League hasoru Borussia Dortmund.

Situasaun CR7 nian, meske “manas” itoan maibe la “queima” uma-bo’ot Real Madrid nian. Oportunamente, treinador Zinedine Zidane defende nia artilheiro CR7 hodi dehan ba publico no jornalista sira katak “Cristiano tranquilo hela. Iha final mak ita hare, hanesan baibain, nia sei halo diferensa”. Ita hein!

Fonte/Leitura sira ba notisia: Marca, Noticias del FC Barcelona, Diario Madridista, Sunday Express.

AFAF