Maske atrasu tinan 3, Marino Enterprise garante obra atinji ona 80%

Dili. Rehabilitasaun Estadio Municipal Dili, lori tinan 3, hahu obra fulan Novembro –Dezembro tinan 2016 (1). Husi adeptos bola ka le nain haksesukbola.com, fó kulpa ba SEJD no ADN, nudar nain ba projetu no kontrola qualidade projetu rasik. Hatan husi Sani Nain ka Le nain www.haksesukbola.com fó sala ka kulpa ba SEJD ho AND. Tuir observador Desporto no liliu Bola, Francisco das Neves ba Haksesukbola.com iha nia knar fatin,Bairo dos Grilos,Quarta-feira (12/09/2018) katak, “ responsabilidade ba atrasu ne´e instituisaun Estadu nian rua (2) mak:SEJD (Secretario Estado Juventude e Desporto) no ADN (Agencia Nacional do Desenvolvimento)´´.

Haktuir tan Francisco das Neves, “responsabilidade politika mak administrasaun ne´ebe representa Estadu tutela mak SEJD.Teknikamente ADN mak asumi responsabilidade´´.

“ Progresso obra lao diak ka ladiak depende liu ba entidade representa Estadu, Governu liu husi SEJD no ADN´´, defende Francisco das Neves, (2).

Tuir kompania ne´ebe halao obra Marino Enterprise haktuir katak,“ progresu rehabilitasaun atinji ona 80% no obra ramata iha loron 15.10.2018 (in GMNTV,13/09/2018)´´, (3).Tuir observasaun GMN TV, “ rehabilitasaun estadiu la dauk remata (idem)´´.

Timor-Leste sei partisipa iha kompetisaun Suzuki Cup 2018, ne´ebe sei realiza jogu rua (2) iha uma, iha fulan Novembro, joga hasoru Thailandia no Filipina no joga liur ho Indonesia no Singapore. Halao jogu uma depende ba obra estadio remata no infraestrutura estadio koresponde duni estandard ne´ebe mak estabelese husi FIFA ho AFC? (Haksesuk Bola)!

Referensia:

1) Estadio Municipal Dili rehabilita lori tinan 3

http://haksesukbola.com/estadio-municipal-dili-rehabilita-lori-tinan-3/?lang=tl

  • Kulpa SEJD ho ADN, Atrasu rehabilitasaun Estadio Municipal Dili

http://haksesukbola.com/kulpa-sejd-ho-adn-atrasu-rehabilitasaun-estadio-municipal-dili/?lang=tl

 

  • rehabilitasaun estadiu la dauk remata

In Telejornal GMNTV,13.09.2018!