Maradona Tristi Hare Higuain Agora

DILI, Haksesuk Bola-Antigu Jogador no Legenda Argentina, Diego Maradona hateten, to’o agora nia sei tristi hare Gonzalo Higuain ne’ebe husik hela klube Napoli, ne’ebe uluk nia (Maradona-read) joga ba, hodi ba fali reforsa iha klube Juventus hanesan rival Napoli nian.

“Hanesan penggemar husi Napoli. Hau senti tristi tanba Gonzalo hakarak joga fali iha Juventus ne’ebe hanesan rival Napoli nian. Maibe ita labele fo sala ba jogador, i fo sala ba sira ne’ebe halo negosiu,”haktuir Maradona hanesan saida maka publika iha Football Italia no Detik Sport iha loron 10 Outubru 2016.

Maradona deklara nia parte la fo sala ba eis melhor markador Napoli Higuain ne’ebe desidi husik hela Napoli iha tinan kotuk. Tanba, tuir Maradona la’os Higuain ninia sala no ninia hakarak mak ba Juventus i ida ne’e parte negosiu mak hatene hodi foti desizaun.

Oras ne’e dadaun Higuain joga ona iha Juventus, maibe iha supporter husi Napoli rasik seidauk simu desizaun Higuain nian i liuliu kontra makas lideransa Napoli ne’ebe husik Higuain ba Juventus.

Iha tempu Maradona nian, bainhira nia sei reforsa Napoli, iha klube barak husi Italia rasik hakbesik ba nia atu sosa, maibe nia lakohi ho razaun lakohi supporter Napoli sira laran tristi. Maske iha osan boot husi klube sira seluk.

HAKSESUK BOLA (HB)

Foto: Espesial