LNB TL: ekipa sira apura ba Play Off

 

Díli- Klasifikasaun Liga Nasional Basquetbol Timor Leste (LNB-TL) jornada 22 entre entre ekipa mane 11 ho feto 11 ekipa ne’ebé hakat ba jogu semi final klubu 8 entre feto ho mane.

Jogu semi final sei realiza iha loron kinta (9/11) no remata ba final iha loron domingu (26/11), jogu husi klubu 8 ekipa mane Caesar Dante, AD SLB, Ponta Leste ho Salazar no ekipa feto husi Ponta Leste, Academika, AD SLB, SDB Benfika.

“Durante jogu caesar dante mak lidera jogu iha premeira volta kontinua ba segundu volta no ekipa salazar monu iha premeiru maibé, sira esforsu hodi kontinua jogu di’ak iha segundu, hein rezultadu se maks ei hakat ba final hanesan manan na’in,” Ekipa tekniku Isildo JGA Tilman dehan ba HB liu husi via telemove (7/11).

Nia dehan, oportunidade hotu iha ba klubu hotu depende klubu ka ekipa ne’ebé hatudu joga di’ak liu mak sei sai hanesan menan na’in.

Ekipa mane Caesar Dante ho AD SLB tama final klubu 2 ne’e sei hadau malu iha final tanba durante ne’e klubu rua refere hatudu jogu ho performasia kapas tebes no ekipa feto hanesan Ponta Leste iha oportuniadade boot bele sai manan na’in nafatin lidera jogu premeira volta ho segundu volta ne’e mós.

Aleinde ne’e iha fatin seluk HB dada lia mós ho presidente klubu Ponta Leste Natalino Belo hanesan mós treinadór, “ Ha’u apresia ho ha’u nia jogadór sira tanba bele tama ba 8 besar joga liga basquet nian klubu ponta leste ekipa feto ho mane tanaba hotu ba faze semi final,”.

Nia informa, ekipa iha ona preparasaun máxima treinu rutina hanesan bai-bain no fó atensaun ka atendementu di’ak ba jogadór sira nia saúde, fíziku molok hakat ba jogu ne’ebé sei komesa iha loron kinta hahu husi ekipa feto.

Ekipa garante ho preparasaun total bele manan iha jola liga nasional basquetbol Timor-Leste iha tinan ida ne’e. (Ica)