Liga Nacional Basquetbol de Timor-Leste: ekipa Feto AD SLB manan WILD Casts ho bola 115-17

DILI: Ekipa Basquetebol Feto (F) AD SLB hatudu performansia di’ak no marka 115 bola hodi halakon ekipa feto WILD CATS ne’ebé marka 17 bola iha jogu liga basquetebol kinta-feira (01/06/2017) semana kotuk iha  jinaziu (ex-GMT) Dili, Timor-Leste.

“Ohin ami joga hatudu performansia di’ak tanba durante ne’e treinu, i ami hatene ohin ne’e ami bele manan maibe buka pontus tenki liu 100 no ami konsege liu duni,” haktuir jogador AD SLB Cecilia de F. Godinho ba jornalista HB iha ex-GMT.

Entretantu jogador husi ekipa feto WILD CATS Aurita Xavier hateten, “Lolos klubu ne’e tenki treinu firme maibe ami nia klubu feto nian foin mak harii entaun ami nia preparasaun ba joga ladun iha tanba ami ladun treinu di’ak entaun nia rezultadu mak hanesan ohin ami joga ne’e”.

Akompana nuticias kompletu iha Jornal Haksesuk Bola numeru 4, edisaun 08-15 fulan Junho tinan 2017! 

Jornalista:Aires

Editor:ASilva

Foto:LNB TL