LFA: SLB lidera maibe CARSAE menus jogu ida

 

Dili, Haksesuk Bola (HB). Jogu Liga Futebol Amadora (LFA) primeira Divisaun jornada 13,joga entre SLB hasoru CRASAE FC, ho resultadu empata 1-1. Jogu equilibradu no hatudu husi resultadu ne´ebe mak empat 1-1 iha primeira parte. Golus dahuluk hatama husi jogador CARSAE FC hatama Emeliano Ribeiro iha minutu 27´ no golu empate husi SLB liu husi jogador  Tomas Sarmento iha minutu 40´.

Iha segunda parte ekipas rua,joga tenta explora parte pontus frakus maibe to´o 90´, la iha alterasaun ba resultadu.

Ho resultadu ne´e,lideransa Primeira Divisaun LFA, sei kontinua lidera husi SLB ho pontus 20 no CARSAE FC hela segundo lugar ho pontus 19 maibe menus jogu ida.

Probabilidade ba CARSAE FC manan LFA Primeira divisaun dalan nakloke, se manan jogus rua falta,bele soma 25 pontus, probabilidade ba AS Ponta Leste mos iha posibilidade manan tanba bele halo 23 pontus ho jogus rua sei falta. Nune´e, LFA primeira divisaun sei hadau malu entre: SLB; Carsae FC no As Ponta Leste.