LFA konfirma oficialmente jogu Super Taça joga iha loron 25 de Novembro iha estadiu Municipal Maliana

Dili, Haksesuk Bola (HB). Liga Futebol Amadora (LFA) liu husi konferensia ne´ebe halo iha knua LFA nian iha Estadiu Municipal Dili, Quinta-feira (17/11/2016), tuir Vice Presidente LFA Alexander Vong katak, ´´ jogu Super Taça edisaun dahuluk 2016 sei joga iha Estadiu Municipal Maliana, iha loron 25 fulan Novembro tinan 2016´´.

Iha konferensia imprensa ne´e akompana husi Vice Presidente SLB, Secretario Jeral ekipa As.Ponta Leste no diretor kompetisaun LFA nian Martinho Ribeiro.

Tuir noticias ne´ebe mak Haksesuk Bola hatun iha edisaun Quarta-feira (16/11/2016) konaba: ´´ Dada ba dada mai:final Taça LFA sei joga loron 25 de Novembro iha Maliana (HB,16/11/2016)´´, (1).  Tuir kalendariu Super taça, hahu atu joga iha fulan Outubru,pois muda ba 12 de Novembro no ikus mai joga iha loron 25 de Novembro tinan 2016, hare mos arquivo Haksesuk Bola konaba Super Taça LFA 2016 (2).

HAKSESUK BOLA 2016!

Referencias:

  1. Dada ba dada mai:final Taça LFA sei joga loron 25 de Novembro iha Maliana

http://haksesukbola.com/category/super-taca-lfa-201617/?lang=tl#sthash.VxGPhnsL.dpuf

2. Arquivu Haksesuk Bola konaba Super taça LFA 2016

 http://haksesukbola.com/category/super-taca-lfa-201617/?lang=tl