LFA: jogu entre CARSAE FC vs FC Porto Taibesi la realiza tanba arbitru

Dili, Haksesuk Bola (HB). Iha jornada ba dala 12 Liga Futebol Amadora (LFA) primeira divisaun entre FC Carsae vs FC Porto Taibesi,tuir lolos realiza iha loron Sabado (09/07/2016) tuku 04:30 iha  Estadiu Municipal Dili, Timor-Leste. LFA nudar organizadora ba kompetisaun,nomeia ka hili arbitru  ba apita jogu.

Maibe Jogo la realiza tanba husi parte FC Porto Taibesi, la konkorda ho arbitru ne´ebe mak LFA nomeia ka hili ba diriji jogu LFA primeira divisaun jornada ba dala 12.

Tuir adjuntu Treinador Carsae FC ba Haksesuk Bola katak, “Carsae FC la aceita ho atitude FC Porto  Taibesi ne´ebe la simu nomeasaun arbitru ba apita jogu iha jornada ba dala 12″. Hatutan João Pedro,”iha kompetisaun hanesan iha Liga Futebol Portugal, FC Porto joga hasaro Benfica,maske arbitru husi Lisboa,maibe jogo lao nafatin, tanba Liga hili ona, Clubes labele kestiona fali”.

Tuir adeptus Futebol Francisco Soares ba Haksesuk Bola haktuir katak, “tenki kria kondisaun atu hakbit organismu futebol,liu husi kria regulamentu ne´ebe forte, atu nune Clubes no ajentes futebol ka atletas sira kumpri no halo tuir,se mak la kumpri hetan sansaun”.

To´o nuticias ne´e hatun, seidauk bele acesu ba Fc Porto Taibesi no Komisaun arbirtrajen!

Haksesuk Bola!