Legenda Barcelona: Ronaldo Iha Vantajen Manan Ballon d’Or

DILI, Haksesuk Bola-Legenda Barcelona Xavi Hernandes hateten, agora dadaun jogador Real Madrid Cristiona Ronaldo iha vantajen bo’ot atu manan Ballon d’Or, tanba ho rezultadu pozetivu ne’ebe nia hetan hamutuk ho ninia klube no Nasaun.

“Cristiona Ronaldo konsege lori Real Madrid hodi foti taxa Liga Champions no mos lori ninia Nasaun Portugal hodi foti taxa Liga Eropa tinan ida ne’e 2016 iha França,”Xavi Hernandes ba Soccerway, iha serimonia Aspire4Sports iha Amsterdam.

Ho rezultadu ne’ebe iha, eis Kapitaun Barcelona ne’e fo nia opservasaun katak, merese duni ba Ronaldo sai nudar kandidatu favorite atu manan Ballon d’Or.

Maske nune’e, Xavi Hernandes mos koalia atu manan Ballon d’Or ne’e la fasil no sei iha kompetetivu, tanba nia fiar, ninia amigo Lionel Messi mos sei iha ne’eba atu hadau malu.

Antes ne’e, Xavi Hernandes hateten, Messi sei kontinua sai ema numeru um no laiha fatin ba se deit atu halo komparasaun ho sesedeit, Messi nudar melhor jogador numeru um iha mundu. So ema ne’ebe suporta Real Madrid mak ninia openiaun diferente ho nia (Xavi Hernandes-read).

HAKSESUK BOLA (HB)

 Foto: espesial