La Liga: Cristiano Ronaldo kebra jejum no Leonel Messi em branco

Desta vez la falha, Cristiano Ronaldo (CR7) marka nia golu dahuluk iha Primera Division edisaun 2017/2018, hasoru Getafe nudar uma-nain iha sabadu, 14/10.

Fo hanoin hikas katak CR7 sofre suspensaun, la joga, durante jornada dala-hat (4), no la marka golu iha jogu tolu tutuir malu.

Konsidera melhor artilheiro CR7 sempre buka hatama golu no iha jogu ida ikus ne’e nia hatudu nafatin nia vontade no
hamlaha ba golus. Vitima husi kebra jejum mak ekipa uma-nain Getafe nebe sofre golu abertura husi Benzema no golu
vitoriozu husi CR7 nia ain. Rezultadu final 1-2 fo pontu tolu (3) ba Real Madrid hodi lori fila ba uma.

Vitoria Los Blancos konsolida hikas fatin iha klasifikasaun no sa’e ba terceiro lugar, antri iha Barcelona no Valencia nia kotuk i Atletico Madrid ho Sevilha belit tuir hela husi kotuk. Ekipa lima iha oin tuir tabela klasifikasaun: 1. Barcelona (22), 2. Valencia (18), 3. Real Madrid (17), 4. Atletico Madrid (16), 5. Sevilha (16).

Wainhira Cristiano Ronaldo marka hikas golu, iha jogu seluk, Leonel Messi, mesmo nia halo barca conquista kampu no presiona, maibe labele halo buat ida iha Atletico Madrid nia uma. Ataka naba-naban to’o Luis Suares hatama duni golu empata iha minutu 82. Iha jogu ne’e, Messi kedok tun-sa’e maibe bola la halo tuir nia hakarak, e desta vez o pequeno argentino ficou em branco.

Ho rezultadu ne’e (1-1) Barcelona lori fila pontu ida no mantem invensibilidade, sidauk lakon.

 

HB/AFAF