Kulpa SEJD ho ADN, Atrasu rehabilitasaun Estadio Municipal Dili

Dili. Tuir publikasaun Haksesukbola.com, edisaun Terça-feira (11/09/2018) konaba, “ Estadio Municipal Dili rehabilita lori tinan 3 (HB,11/09/2018)´´, (1). Iha publikasaun ne´e, Haksesukbola.com koloka kestaun hirak hanesan:

 Hein autoridade kompetente hanesan:01.SEJD nudar nain ba projetu no tutela desporto no futebol buka acelera.02.ADN nudar  cerfika qualidade projetu ,atu tun ba direita hare projetu03.Publiku avalia konaba kinerja komPania exekusaun ba obra rasik.04.Parlamento Nacional nudar fiskalizador, tanba sa mak obra fulan 6 lori tinan 3,seidauk remata?Haksesukbola.com,11.09.2018(idem)´´.

Hatan husi Sani Nain ka Le nain www.haksesukbola.com fó sala ka kulpa ba SEJD ho AND. Tuir observador Desporto no liliu Bola, Francisco das Neves ba Haksesukbola.com iha nia knar fatin,Bairo dos Grilos,Quarta-feira (12/09/2018) katak, “ responsabilidade ba atrasu ne´e instituisaun Estadu nian rua (2) mak:SEJD (Secretario Estado Juventude e Desporto) no ADN (Agencia Nacional do Desenvolvimento)´´.

Haktuir tan Francisco das Neves, “responsabilidade politika mak administrasaun ne´ebe representa Estadu tutela mak SEJD.Teknikamente ADN mak asumi responsabilidade´´.

“ Progresso obra lao diak ka ladiak depende liu ba entidade representa Estadu, Governu liu husi SEJD no ADN´´, defende Francisco das Neves.

Rehabilitasaun Estadio Municipal Dili, hahu  tinan 2016 tanba koresponde ba Orçamento tinan fiskal ne´eba.Kompania manan Projetu mak Marino Enterprise.

Iha fulan Novembru Timor-Leste sei realiza jogu importante rua (2) iha uma ba grupu B kompetisaun AAF Suzuki Cup 2018. Halo jogu iha uma depende ba obra remate iha fulan ida nia laran. (Haksesukbola.com)!

Referensia:

  • Estadio Municipal Dili rehabilita lori tinan 3

http://haksesukbola.com/estadio-municipal-dili-rehabilita-lori-tinan-3/?lang=tl