Konsumidor kesar ETO TELCO ba ATC-Tane Konsumidor

Dili. Tama ona semana ida, kampionatu mundial futebol  2018 ne´ebe realiza iha Russia (Russia World Cup 2018), populasaun ka adeptus bola sira akompana liu husi TV, iha Timor-Leste ETO TELCO mak hetan  direitu esklusivu ba transmisaun ba kampionatu mundial.

Ceo ETO Group Nilton Gusmão dos Santos liu husi grande entrevista iha GMN () garante katak,“ ETO Telco sei garante transmisaun gratuita kopa mundial Russia 2018 ba munisipiu 12 no iha Dili ba deit kliente sira nebe mak sosa reciver ETO TELCO nian (in GMNTV, 12/06 /2018)´´.

Hahu jogo dahuluk kedan mosu problema ba kliente sira nebe sosa reciver no municipiu sira la hetan asesu. Litik barak mak mosu iha medsos liliu FB no kestiona konaba ETO TELCO ninia komprimisu ba satisfas klientes sira no populasaun en jeral nebe mak hadomi Bola no akompana FIFA World Cup 2018.

Associação Tane Consumidor-Tane loke espasu atu konsumidor sira bele ható sira nia kesar ba ATC-Tane liu husi pagina Facebook Tane Konsumidor nian: https://web.facebook.com/TaneKonsumidor/

(…)“ A TANE – Associação de Defesa dos Consumidores de Timor-Leste simu tiha ona queixa ou reklamasaun relasionadu ho servisu transmisaun jogos copa Mundial Futebol 2018. Se iha tan queixa balu kona ba assunto ida né, favor haruka mensajen ou e-mail ba ami nia Associação (tane.konsumidor.tl@gmail.com)´´. (hb,pagina FB Tane:https://web.facebook.com/TaneKonsumidor/