Kompania promete obra hotu no inagura 15.10.2018 maibe realidade rehabilitasaun lao nafatin

Dili. Rehabilitasaun Estadio Municipal Dili, loron tinan tolu (3) ona, implementa ho Orçamento Geral (OGE) 2016. Maibe ita hare realidade tó ona loron 15.10.2018, obra sei dauk remata, maske fulan ida kotuk kompania konstrusaun Marino Enterprise garante  ba GMNTV katak, “ Tuir kompania ne´ebe halao obra Marino Enterprise haktuir katak,“ progresu rehabilitasaun atinji ona 80% no obra ramata iha loron 15.10.2018 (in GMNTV,13/09/2018)´´ (1).

Hakerek Haksesuk Bola.com, “ Maske atrasu tinan 3, Marino Enterprise garante obra atinji ona 80%´´, (2).

Foin dadaun ne´e SEJD no nudar Sekjen FFTL Nelio Izaac Sarmento haktuir katak,“ progresu rehabilitasaun Estadio Municipal Dili la tuir relatoriu ne´ebe mak FFTL haruka ba AFF (in GMNTV, 27/09/2018),(3).

Tuir observasaun media desportiva online www.haksesukbola.com, Segunda-feira (15/10/2018) hodi ba hare obra ninia andamentu oinsa no obra hotu ona tuir data ne´ebe mak fó sai fulan kotuk  no hakerek katak,“ obra sei termina iha loron 15.10.2018 (idem)´´.

Husu foto sira hatudu obra seidauk remata no kompania rasik bosok ona publiku. SEJD no Sekjen FFTL, Nelio Isaac Sarmento  mos deklarasaun hatudu katak, “ kontradisaun husi relatorio FTTL ba AFF no progresu (idem)´´.

Lian ikus ba Leitor sira www.haksesukbola.com mak:

Se mak bosok Publiku ho informasaun la los?

Informasaun la los ne´e krimi ka lae?

Se mak hakerek relatorio FFTL b a AFF no AFF tun mai progresu la tuir relatoriu? (Equipa www.haksesukbola.com,15.10.2018)

Referensia:

1.Rehabilitasaun Estadiu Dili ladauk remata, in GMNTV, 12.09.2018

2. Maske atrasu tinan 3, Marino Enterprise garante obra atinji ona 80%

   http://haksesukbola.com/maske-atrasu-tinan-3-marino-enterprise-garante-obra-atinji-ona-80/?lang=tl

3. progresu rehabilitasaun Estadio Municipal Dili la tuir relatoriu ne´ebe mak FFTL haruka ba AFF

http://gmntv.tl/id/desporto/2018/09/progresu-rehabilitsaun-estadio-municipal-dili-la-tuir-relatoriu-nebe-fftl-haruka-ba-aff/    


Foto Estadio Municipal Segunda-feira,15.10.2018