Kablaki FC Hasai Santra Cruz FC Husi Taça 12 De Novembru

DILI, Haksesuk Bola-Kompetisaun iha Taça 12 Novembru 2016, harame tebes adeptus bola sira. Iha Sabadu (13/08/16), Ekipa rua, Kablaki FC vs Santra Cruz FC, rezultadu ikus Kablaki FC sai nudar manan nain liu husi penalidade ho skoru 5-4.

Ho rezultadu ida ne’e, obrigado ba Santa Cruz FC tenki sai husi Taça 12  De Novembru tinan ida ne’e, tanba torneiu refere uza sistim gugur katak, lakon tenki sai. I ba ekipa Kablaki FC hetan bilheti ida hodi hakat ba faze tuir mai.

Iha jogu ne’ebe hala’o iha Stadium Municipal Dili ne’e, iha oras normal minutu 90 nia laran maske ekipa rua halo kontra atakes makas ba malu, maibe la konsege manan malu no hetan deit impata 1-1. Nune’e aumenta tan minutu 30 nudar tempu extra nian nafatin la manan malu, i hakat ba penalidade, iha penalidade foin termina jogu, tanba ekipa Kablaki FC konsege halo golu 4 no ekipa Santa Cruz FC so bele hatama deit golu 3, hodi total rezultadu skoru ikus 5-4 ba Kablaki FC mak manan.

Taça 12 Novembru 2016 sei fanun Timor oan tomak, atu hanoin hikas fila fali ba loron 12 fulan Novembru 1991, hanesan loron importante ida iha historia nasional Timor Leste nian, basaa, liu husi manifestasaun iha loron ida ne’e mak Timor oan sira, liliu foin sa’e sira, fanu Komunidade Internasional nia neon no dada hikas sira nia atensaun mai iha problema Timor Leste nian.

Manifestasaun ne’ebe la’o ho pasifiku iha loron 12 fulan Novembru tinan 1991 nakfila iha violensia ho fakar ran ne’ebe provoka husi forsa okupante Indonesia sira. Iha loron ne’e, militar Indonesia sira oho ema foin sa’e sira hamutuk atus resin ne’ebe kuñesidu ho Massacre 12 de Novembro ou Massacre de Santa-Cruz.

Haksesuk Bola (HB)

Foto; LFA