Jornal Haksesuk Bola numeru 5

Iha Jornal Haksesuk Bola numeru 5, edisaun loron 15-22 Junho tinan 2017, hatun nuticias destake iha ninia kapa mak Boxing ka Tinju, merese destake iha edisaun ne´e (pajinas 5 no 6).

Iha  primeira volta Liga Nacional Basquetbol de Timor-Leste, lao diak, promove talentus no mobiliza adeptus sira ba asiste jogu sira (pajinas 10,11 no 13).

Destake mos ba  SEJD  nia misaun no visaun konaba desenvolve desportu iha Timor-Leste, nebe foka ba desenvolvimentu ba juventude nudar centru, hakbit sira ho abilidade ne´ebe jovens sira iha (pajinas 7 no 8).

FFTL nudar orgaunne´ebe mak nudar mahon ba Futebol Timor-Leste, harii iha tinan 2004 no sai membru ba FIFA iha tinan 2005. Ninia sucesu no desfius sira bele le mos iha edisaun Jornal Haksesuk Bola edisaun ida ne´e (pajinas 2).

Atu hakbiit liu tan klosan sira ninia talentus iha futebol no promove atletas sira ne´ebe potensial tebes, Governu hamutuk orgaun Futebol nian, adeptus bola sira no sira hotu ne´ebe gosta bola, hahu ona iha tinan 2015 kompetisaun futebol amadora ho naran Liga Futebol Amadora (LFA) ninia misaun no visaun bele akompana mos iha edisaun ida ne´e (pajinas 6 no 7).

Liga Futebol Amadora (LFA) kontinua destake, foka ba atrasu ba kompetisaun segunda Volta primeira divisaun no segunda divisaun, tamba kestaun teknikas no financeira kotinua sai hanesan problema 8pajina 9).

Liga Volibol Timor-Leste mos kontinua sai hanesan destake iha  edisaun ne´e, kompetisaun lao no promove klosan sira ninia talentus (pajinas 11 no 12).

Futebol Internasional,sai nafatin nutisias ba Haksesuk Bola, atensaun ba qualifikasaun ba mundial 2018 iha Russia, zona Europa no Amerika du Sul sai hanesan atensaun ba Haksesuk Bola(pajina 15).

Destake mos ba Cristiano Ronaldo ne´ebe kandidatu ba Bola Osan Mean «Bola de Ouro» no jogador diak liu FIFA nian ba tinan 2017 (The best player of FIFA 2017) mak Cristiano Ronaldo. Tuir Fabio Capello, treinador husi Italia ne´e, ninia afirmasaun  katak,´´ Bola osan mean fó ba jogador joga iha area,hanesan Cristiano Ronaldo“, bele iha Jornal Haksesuk Bola (pajina 14).

Objetivu husi media ne´ebe fokus ba bola no desporto sira hotu, Haksesuk Bola mai o ninia moto mak: Ho desporto promove estabilidade sosial no koesaun nasional.

Moto ida ne´e mak nudar guia ida ka mata dalan oinsa mak iha meiu ka media ida bele foku ba promove no divulga desporto. Promove talentus Timor oan liliu klosan sira iha modalidades desporto sira hotu iha rai laran no ba tuir kompetisaun iha rai liur. Divulga mos talentus sira ne´ebe produs husi Clube liu husi kompetisaun maske amadora, maibe hahu dadaun,lao neneik maibe hakat ba oin!